utl logo
UTL Home | Ethiopia Images | Central and Inner Asia Studies

Charter Document - 03180156

Charter Number: 03180156
Cartulary Title: London 1076-1187 Volume 15
Charter Language: Latin
Charter Origin: Religious
Charter Type(s): Settlement
Date: 1170 - 1179
Date Type: Assigned

map View Map
Charter:
Sciant presentes et futuri quod controversia que inter capitulum canonicorum sancti Pauli et conventum fratrum sancte Trinitatis Lond[onie] super ecclesia sancti Edmundi in presentia domni et patris G[ileberti] Londoniensis episcopi secundi mota et aliquatenus actitata est eiusdem episcopi assensu hoc pacis fine quievit Hugo siquidem decanus vice capituli sui investituram et personatum predicte ecclesie de manu domni episcopi suscepit et domnus episcopus ad eiusdem capituli petitionem et presentationem perpetuam eiusdem ecclesie vicariam fratrum sancte Trinitatis conventui tradidit Stephano eorundem priore ipsam cum animarum cura suscipiente Idem autem conventus reddet inde annuatim capitulo canonicorum sancti Pauli in festo sancte Cecilie duodecim denarios quamdiu Gocelinus presbiter eam tenuerit postquam vero illam tenere desierit predictus conventus clericum ibi canonice ponet et certam pensionem inde reddendam prout melius poterit ad communem sui et canonicorum sancti Pauli utilitatem sine omni dolo assignabit sicque deinceps antedictus conventus solvet annuatim canonicis sancti Pauli nomine illius ecclesie medietatem pensionis assignate et utrisque crescet equaliter velis decrescet pensio secundum casus qui evenire poterunt Solvetur autem hec medietas ad duos secundum quod inter eos tunc conveniet terminos Vt autem tota huius conventionis series memoriter teneatur et perpetuo firma permanent ipsa et scripto est commendata et sigillorum suorum testimonio communita et firmissimo insuper sigilli domni episcopi robore est confirmata
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter