Charter Document - 03190044
Charter Number: 03190044
Cartulary Title: Coventry and Lichfield 1160-1182 Volume 16
Charter Language: Latin
Charter Origin: Religious
Charter Type(s): Grant
Date: 1177 - 1182
Date Type: Assigned
View Map
Cartulary Title: Coventry and Lichfield 1160-1182 Volume 16
Charter Language: Latin
Charter Origin: Religious
Charter Type(s): Grant
Date: 1177 - 1182
Date Type: Assigned
View Map
Charter:
Ricardus Dei gratia Coventrensis episcopus omnibus sancte matris ecclesie filiis salutem Quia comperimus in visitatione nostra quam personaliter excercimus in monasterio de Haghmon quod illius loci fratres regulares pro modicitate possessionum et defectu victualium non vacant contemplationi ut deberent sed discurrunt per patriam pro necessariis vite eorum querendis et ideo ad petitionem domini Henrici regis et David principis ecclesiam parochialem de Hanmara nunc vacantem cum omnibus ad eam pertinentibus de assensu capituli nostri dicto monasterio de Haghmon et fratribus ibidem Deo servientibus et servituris in posterum ad eorum sustentationem auctoritate pontificali appropriamus et in proprios usus concedimus retinendam perpetuo Et abbati Willelmo vice monasterii sui de Haghmon tradidimus possessionem dicte ecclesie de Hannemere cum omnibus pertinentiis ad eam absque alicuius reclamatione sed dictus abbas et successores sui habeant sollicitam curam quod bene serviatur de cetero dicte [ecelesie] sicut decet Et concedimus quod in dicto monasterio sit unus confratrum sacrista sub abbate []