Charter Document - 03210247

Omnibus Cristi fidelibus ad quos presens carta pervenerit Herbertus divina miseratione Sar episcopus eternam in domino salutem Beneficia que locis religiosis et in eis deo servientibus iuste collata sunt dignum est ea stabilitate firmari ut nec mutatione temporum nec quorumlibet calliditate malignantium possint inposterum infirmari Ea propter attendentes honestatem et religionem dilectorum nobis in Cristo venerabilium abbatis et conventus ecclesie de Waleden habito etiam respectu ad gratiam hospitalitatis quam de bonis sibi deo collatis omnibus student laudabiliter impartiri ecclesiam de Stratleia cum omnibus ad eam pertinentibus propriis usibus memoratorum abbatis et conventus in perpetuum confirmamus salva in eadem perpetua vicaria Cuius partes certis nominibus duximus exprimendas omnes videlicet obventiones altaris et cimiterii cum omnibus minutis decimis agnorum scilicet lane lini casei vitulorum porcellorum aucarum et pullorum cum ovis paschalibus ad eandem ecclesiam pertinentibus et omnes decimas de tota terra Ricardi Golde et omnes decimas de tota terra Emme de Kettinden et de terris tenentium de ipsa et totam redecimam omnium aliarum decimarum de terra totius ville cum decimis de dominico ecclesie ad hostium grangie ipsorum monachorum percipiendam et unam acram et dimidiam prati et quatuor acras terre scilicet duas in Cumba et unam contra Grenelinch et quartam de Plotto que iacet ultra viam cum pastura viginti ovium et duarum vaccarum Preterea quicumque fuerit in eadem ecclesia vicarius perpetuus constitutus habebit unum mansum super aquam et ipse vicarius omnia onera episcopalia consueta et usitata sustinebit Et si aliquid extraordinarium emerserit dicti monachi pro sua portione respondebunt et ipse vicarius nichilominus pro sua Quod ut ratum sit et firmum presentium auctoritatis munimine duximus confirmandum salvis tamen in omnibus iure auctoritate et dignitate ecclesie nostre et nostra et successorum nostrorum Dat apud Ramesbyr per manum Hugonis de Templo quinto decimo kalendas Marcii pontificatus nostri anno vicesimo primo Hiis testibus domino A Fernensi episcopo A archidiacono Berk magistro T de Disce magistro Roberto de Stichel domino Ricardo capellano Willelmo de Winton canonicis Sar magistro Marc[iano] Petro Picot Rogero de Hamton Thoma de Winton clericis Bartholomeo de Kernes Stephano Pincerna Petro de Camera Ricardo Daco Willelmo de Tanton Stephano de Winton et multis aliis