utl logo
UTL Home | Ethiopia Images | Central and Inner Asia Studies

Charter Document - 03230033

Charter Number: 03230033
Cartulary Title: York 1154-1181 Volume 20
Charter Language: Latin
Charter Origin: Religious
Charter Type(s): Notification
Date: 1154 - 1162
Date Type: Assigned

map View Map
Charter:
R[ogerus] Dei gratia Eboracensis archiepiscopus omnibus successoribus suis salutem Ad notitiam vestram venire volumus qualiter nos et Gervasius homo noster composuerimus super controversia que inter nos vertebatur et ut vobis plenius innotescat summatim actionem exponere curavimus Gervasius tenebat in Melefordia unam carucatam terre et dimidiam villam de Wichstowe Nos vero utrumque de iure ad dominium nostrum hominibus nostris nobis hoc suggerentibus ipso tamen negante contendebamus pertinere Ut tamen utilitati et paci et ecclesie nostre inposterum consuleremus concessimus antedicto Gervasio duodecim bovatas terre in Brettona et quatuor bovatas in villa que vocatur Pol pro iure quod dicebat se habere in carucata de Meleford et in medietate de Wichstowe ita quod si forte aliquando emerserit de illa medietate de Wichstowe calumpnia pro posse suo ipsam medietatem ecclesie Ebor[acensi] warantizabit Quatuor quoque bovatas terre quas ipse Gervasius in Bretton ante tempora nostra tenebat ipsi confirmavimus Antedictas vero duodecim bovatas de Bretton et quatuor in Pol concessimus ei libere tenendas pro quarta parte unius militis in perpetuam hereditatem ipsi et heredibus suis possidendas presenti carta confirmavimus quod tanto magis debet stabile et firmum permanere quanto in hoc utilitati ecclesie constat provisum Si quis autem compositionem istam aliquando solvere attemptaverit liceat Gervasio ad ius quod habebat in carucata de Meleford et in medietate de Wichstowe sine preiudicio redire Huius compositionis testes sunt Gilb[ertus] filius Nigelli Hug[o] filius Clamaheu Robertus filius Hug[onis] Will[elmus] filius Bem[ardi] Ric[ardus] filius Hug[onis] Pagan[us] de Lalanda et Willelmus filius eius Rad[ulfus] de Gaiteford Hug[o] de Cramanvilla Ioh[annes] Letold Petrus camerarius Iohannes thesaurarius Ebor
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter