Charter Document - 03230054
Charter Number: 03230054
Cartulary Title: York 1154-1181 Volume 20
Charter Language: Latin
Charter Origin: Religious
Charter Type(s): Notification
Date: 1164 - 1181
Date Type: Assigned
View Map
Cartulary Title: York 1154-1181 Volume 20
Charter Language: Latin
Charter Origin: Religious
Charter Type(s): Notification
Date: 1164 - 1181
Date Type: Assigned
View Map
Charter:
R[ogerus] Dei gratia Eboracensis archiepiscopus apostolice sedis legatus omnibus sancte matris ecclesie filiis salutem Notum fieri volumus universitati vestre quod R[obertus] decanus Ebor[acensis] et capitulum eiusdem ecclesie concesserunt Laurentio canonico Suwelle in presentia nostra assensu nostro capellam de Escham tenendam sicut Willelmus de Warrum eam in presentia nostra ei concesserat de se in vita sua tenendam et sicut Thomas Paulini canonicus Ebor[acensis] qui prefato Willelmo successurus est in tenuram ecclesie de Lanuos si eum supervixerit vel si Willelmus aliqua rationabili causa tenere desierit Eandem capellam ei concesserat in presentia nostra tenendam de se in vita sua utique videlicet pro duabus marcas argenti reddendis annuatim Concesserunt etiam predictus decanus et capitulum predicto Laurentio si prefatum Willelmum et Thomam supervixerit vel si Willelmus et Thomas aliqua rationabili causa tenere desierint prefatam capellam de eis tenendam in vita reddendo eis annuatim prenominatam pensionem duarum marcarum Ne vero quod in presentia nostra tam sollempniter factum est alicuius malignitate possit in posterum perturbari vel dissolvi sepe nominatam capellam Laurentio auctoritate nostra et presenti carta confirmamus tenendam in vita sua per predictam pensionem sicut prenominatus decanus et capitulum eam ei concesserunt et carta sua confirmaverunt et sicut Willelmus de Warrum et Thomas Paulini eam in presentia nostra ei tenendam concesserunt Hiis testibus magistro Alano canonico de Suwell magistro Milone canonico de Ripun Radulfo de Wigetofto Symone clerico de Patrington Roberto filio Willelmi Adam de Warrum Nigello clerico Willelmi de Tillemur magistro Angoto Nicholao persona de Vntingt Willelmo Iordani