utl logo
UTL Home | Ethiopia Images | Central and Inner Asia Studies

Charter Document - 03240066

Charter Number: 03240066
Cartulary Title: Norwich 1215-1243 Volume 21
Charter Language: Latin
Charter Origin: Religious
Charter Type(s): Grant
Date: 1232
Date Type: Internal, Episcopal

map View Map
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Ad universorum notitiam volumus pervenire nos Dei causa et religionis favore concessisse et presenti carta nostra confirmasse dilectis nobis in Cristo abbati et conventui sancti Benedicti de Hulmo ecclesiam de Scothowe cum pertinentiis habendam et tenendam et in proprios usus perpetuo possidendam post decessum vel recessum magistri Michaelis de Ringgesfeld et R de Wiverdeston eiusdem rectorum salva honesta et competenti vicaria in dicta ecclesia per nos vel successores nostros pro tempore taxanda ad quam vicariam quotiens vacare contigerit dicti abbas et conventus personam idoneam quamcumque nos et successores nostri voluerimus nobis presentabunt et presentatum admittemus Et si forte omiserint vel necglexerint presentare nos et successores nostri nichilominus personam idoneam quamcumque voluerimus vicarium in eadem instituemus salvis etiam nobis in omnibus reverentia et obedientia et successoribus nostris et sacrosancte Norwicensis ecclesie consuetudinibus debitis vel consuetis In cuius rei testimonium presentes litteras fieri fecimus et sigillo nostro muniri Dat apud Norwicum quarto kalendas Aprilis pontificatus nostri anno sexto Hiis testibus domino W priore Norwicensi magistro R de Biln[eia] archidiacono Norf[olchie] magistris Andrea de Croydene et R de London domino Dionisio clerico nostro Iohanne Terri et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter