Charter Document - 03240070
Charter Number: 03240070
Cartulary Title: Norwich 1215-1243 Volume 21
Charter Language: Latin
Charter Origin: Religious
Charter Type(s): Inspeximus, Confirmation
Date: 1230
Date Type: Internal, Episcopal
View Map
Cartulary Title: Norwich 1215-1243 Volume 21
Charter Language: Latin
Charter Origin: Religious
Charter Type(s): Inspeximus, Confirmation
Date: 1230
Date Type: Internal, Episcopal
View Map
Charter:
Omnibus Cristi fidelibus ad quos presens scriptum pervenerit Thomas Dei gratia Norwicensis episcopus salutem in Domino Inspeximus cartam Iohannis primi predecessoris nostri Norwicensis episcopi continentem ecclesiam de Parva Melton cum omnibus ad ipsam pertinentibus canonicis de Ixewrth in proprios usus ab eodem esse concessam ex donatione Radulfi de Monte Kanesi eiusdem patroni Nos autem dicti predecessoris nostri concessionem dictis canonicis de Ixewrth de dicta ecclesia factam ratam habentes et acceptantes prefatam ecclesiam de Parva Melton cum suis pertinentiis Dei intuitu et religionis favore dictis canonicis de Ixewrth post decessum vel recessum Roberti de Massingham eiusdem rectoris in proprios usus concedimus et confirmamus salva honesta et competenti sustentatione vicarii secundum facultates ecclesie in dicta ecclesia pro tempore ministraturi salva etiam in omnibus reverentia et obedientia nobis et successoribus nostris et sacrosancte Norwicensis ecclesie consuetudinibus debitis et consuetis In cuius rei testimonium presentes literas fieri fecimus et sigillo nostro muniri Dat apud sanctum Edmundum die sancti Bonifacii martiris pontificatus nostri anno quarto
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
