Charter Document - 03250094

Sciant omnes hoc scriptum visuri vel audituri quod ita convenit inter dominum Rad[ulf]um episcopum Cicestr secundum domini regis Anglie cancellarium et Willelmum abbatem Sagiensem super metis et dimisis faciendis inter terram et brullium ipsius episcopi que vocatur Depemersh et terram ipsius abbatis de Fissebourne videlicet quod tota terra ex parte australi a fossato que se extendit a terra decani Cic usque ad angulum crofte que vocatur Rogerscrofte versus occidentem remanet predicto abbati et conventui Sagiens inperpetuum tanquam pertinens ad predictam terram suam de Fissebourne et tota terra ex parte boriali ab eodem fossato remanet predicto episcopo et successoribus suis et ecclesie sue Cic inperpetuum tanquam pertinens ad predictam terram predictum et burillium de Depemerssh Ita tota terra ex parte occidentali a predicto angulo de Rogerescrofte usque ad Castleway sicut fossatum se extendit per Richbrok remanet predicto abbati et conventui tanquam pertinens ad predictum manerium suum de Fissbourne et tota terra ex parte orientali ab eodem fossato remanet predicto episcopo et successoribus ecclesie sue Cic inperpetuum tanquam pertinens ad predictam terram et predictum brullium de Depemerssh Quod ut firmum et stabile perseveret dictus episcopus cum suo capitulo et dictus abbas cum suo conventu confirmaverunt appensis mutuo sigillis dicti episcopi et dicti capituli sui parti huius cyrographi que residebit penes dictum abbatem et conventum suum appensisque sigillis dicti abbatis et dicti conventus alteri parti huius cirographi que penes dictum episcopum residebit []