Charter Document - 03251046
Charter Number: 03251046
Cartulary Title: Chichester 1215-1253 Volume 22
Charter Language: Latin
Charter Origin: Religious
Charter Type(s): Settlement
Date: 1220
Date Type: Internal, A.D.
Resource Link(s): Reference Document for this Embedded Document
View Map
Cartulary Title: Chichester 1215-1253 Volume 22
Charter Language: Latin
Charter Origin: Religious
Charter Type(s): Settlement
Date: 1220
Date Type: Internal, A.D.
Resource Link(s): Reference Document for this Embedded Document
View Map
Charter:
Omnibus Cristi fidelibus ad quos presens scriptum pervenerit magistri Alexander et Willelmus de Kaynesham canonici Cycestr et magister Ricardus rector ecclesie de Luviton salutem in domino Noverit universitas vestra quod cum controversia diutius verteretur inter priorem et monachos de Sela ex una parte et Rogerum de Sancto Martino personam de Thacam et Philippum de Brembre eiusdem ecclesie vicarium ex altera super decimis assartorum de Cokeswede et super medietate decimarum assartorum de Ricleshurst in parochia de Thacam de communi assensu partium partes tandem in nos tanquam in arbitros pena triginta marcarum adiecta compromiserunt Cum autem ex utraque parte testes essent producti et iuris ordine in omnibus observato attestationes publicate non exspectato adventu arbitrationis partes coram nobis amicabiliter in hunc modo composuerunt videlicet quod ecclesia de Tacham omnes decimas dictas dictorum assartorum perpetuo in soluto percipiet et absque contradictione vel molestia dictorum prioris et monachorum pacifice possidebit et quicumque dictas decimas nomine ecclesie perceperit duos solidos sterlingorum singulis annis priori et monachis sancti Petri de Sela pro bono pacis in crastino sancti Petri ad vincula solvet Et ad hanc compositionem fideliter firmiterque observandam dictus prior pro se et monachis suis et monasterio suo et prefati Rogerus et Philippus pro se et ecclesia sua de Thacam se obligaverunt adiecta utrumque pena triginta marcarum ecclesie dictam compositionem servanti ab ea que non servaverit remoto cuilibet contradictionis et appelationis obstaculo solvenda pacto compositionis prefate nichilominus in sua firmitate durante Ut autem ista compositio irrevocabilis et firma imperpetuum permaneat nos ad instanciam partium ut decuit presenti scripto sigilla nostra apposuimus partes etiam sigillis suis dictam compositionem ad invicem roboraverunt Act anno gratie MCC vicesimo die sancti Augustini Anglorum episcopi Hiis testibus magistro Simone decano Cycestr magistro Nicholao de Aquila Abricens decano magistro Willelmo archidiacono Cycestr magistro Symone de Waltham magistro Humfrido domino Adam de Ecclesdon domino Willelmo Palt domino Galfrido canonico Cycestr domino Roberto capellano comitis magistro Vincentio magistro Prochasio magistro Iohanne de Tacham domino Ioscelino de Arundell et multis aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
