utl logo
UTL Home | Ethiopia Images | Central and Inner Asia Studies

Charter Document - 03270113

Charter Number: 03270113
Cartulary Title: Durham 1153-1195 Volume 24
Charter Language: Latin
Charter Origin: Religious
Charter Type(s): Confirmation
Date: 1160 - 1173
Date Type: Assigned

map View Map
Charter:
Hugo dei gratia Dunolmensis episcopus omnibus successoribus suis et omnibus sancte matris ecclesie filiis eternam in domino salutem Ad pastoris spectat officium subditis et maxime religionis nominis professis sollicitudinis curam impendere pacem providere et que religiose viventium collata sunt utilitatibus summo opere fovere et perpetuo stabilire Huius igitur rationis intuitu et divine miserationis obtentu et pro salute animarum regum illustrium Anglie Henrici primi et Henrici secundi et heredum suorum et in remissione peccatorum meorum et pro animabus predecessorum et successorum nostrorum pontificum concessimus et episcopali auctoritate confirmavimus ecclesie sancti Osuualdi regis et martiris de Nostla et dilectis filiis nostris et amicis canonicis ibidem deo famulantibus ecclesias sancti Osuualdi et sancti Aydani de Baenburc cum capellis terris decimis et cum omnibus pertinentiis et libertatibus suis libere et quiete et plenarie in puram et perpetuam elemosinam possidendas quas de donatione et concessione et confirmatione regum predictorum Anglie scilicet Henrici primi et Henrici secundi sicut eorum carte quas inspeximus testantur rationabiliter adepti sunt Ita ut liceat eis ad ecclesie sue promotionem et hospitalitatem augmentandam fructus et omnes obventiones et possessiones iam dictarum ecclesiarum de Baenburc post decessum Hugonis Murdac clerici in proprios usus convertere salvis episcopalibus consuetudinibus et Dunelmensis ecclesie dignitate Prior vero et conventus prefate ecclesie sancti Osuualdi de Nostl nos in fraternitatem domus sue suscipientes caritatis intuitu concesserunt quod aniversarium diem obitus nostri et successorum nostrum pontificum sub ea veneratione sub qua et prioris eiusdem domus facient celebrari Ut igitur hec nostra concessio et confirmatio perpetuis temporibus firmiter observetur eam presentis scripti serie et sigilli nostri appositione duximus roborandam Hiis testibus []
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter