Charter Document - 03280268

Ricardus dei gratia Dunholmensis episcopus domini regis cancellarius omnibus Cristi fidelibus ad quos presens scriptum pervenerit salutem in domino Noverit universitas vestra nos dedisse concessisse et hac carta nostra confirmasse dilecto clerico nostro magistro Willelmo de Grenlawe pro homagio et servitio suo piscariam de Pole cum omnibus pertinentiis suis que fuit Henrici de Ordr habendam et tenendam predictam piscariam predicto magistro W vel cui eam assignare voluerit de genere suo vel de suis consanguineis preter quam viris religiosis de nobis et successoribus nostris bene et in pace libere quiete et integre cum omnibus libertatibus et liberis consuetudinibus ad eandem piscariam pertinentibus reddendo inde nobis et successoribus nostris unam libram piperis vel duodecim denarios apud Norham ad festum sancti Cuthberti in Septembre pro omni servitio consuetudine et exactione ad nos vel ad successores nostros pertinente salvo eo quod Iohanne uxori Walteri de Godardvill assignavimus in vita sua Et ut hec nostra donatio et concessio perpetuam optineant firmitatem presenti scripto sigillum nostrum apponi fecimus Hiis testibus domino Alexandro Conventrensi episcopo magistro Willelmo de Staveneby magistro Roberto de Nevill magistro Philippo de Suham magistro Willelmo de Wisebech Roberto persona de Alverton Henrico de Ferlinton Roberto de Cokefeld Iohanne de Peauton Willelmo de Berners Thoma de Otrington Henrico Maveysin Alano Malekak Willelmo Huscarl Roberto de Marisco Thoma Mansel Alexandro Huscarl Radulfo serviente de Alverton et aliis Dat apud Alverton quartodecimo die Iunii pontificatus nostri anno octavo