Charter Document - 03290042

Omnibus Cristi fidelibus Ricardus divina miseratione Lundonien ecclesie minister salutem in domino Iuste moderationis exposcit equitas ut qui renunciant seculo quo liberius possint militare deo quique rerum temporalium ubertate non habundant fidelium provisione quo in dei servitio sustententur habeant unde non inmerito largitionibus que viris religiosis et deo devotis mulieribus ad sui sustentationem a Cristi fidelibus fiunt ecclesiarum prelati quibus arcius incumbit religionem fovere favorabilem assensum prestare consueverunt Ea propter et nos attendentes religionis honestatem dilectarum in Cristo filiarum nostrarum monialium de Clerkenewell intolerabili quoque paupertati qua premuntur in ferventi proposito suo misericorditer compatientes ecclesiam de Magna Totham cum pertinentiis suis eis a viro quondam venerabile Mauricio de Totham concessam et carta bone memorie G London episcopi predecessoris nostri quam inspeximus confirmatam auctoritate qua fungimur habendam et perpetuo possidendam concessimus ita sane ut fructus eiusdem ecclesie in usus proprios perpetuo convertant salva vicaria quinque marcarum assignanda de obventionibus altaris et minutis decimis si ad hoc sufficiant vel alias si in tantam summam excrescere non possint vicario in eadem ecclesia ministraturo qui quidem per predictas moniales debet episcopo diocesano quicumque pro tempore fuerit presentari et eidem et officialibus suis de hiis que ecclesie incumbunt administrationis sue tempore respondere hiis duntaxat que usitata fuerint et consueta cetera vero si emerserint moniales sustinebunt Ut igitur hec nostra concessio perpetue firmitatis robur obtineat eam presenti carta confirmare cartamque sigilli nostri munimine confirmare curavimus Hiis testibus A archidiacono London Willelmo de Ely thesaurario domini regis Alano Berengario et Ricardo capellanis Iohanne de Garland magistro Alexandro Hugone de Wynton Willelmo de Wald Willelmo de Hedfeld clericis et aliis