utl logo
UTL Home | Ethiopia Images | Central and Inner Asia Studies

Charter Document - 03290070

Charter Number: 03290070
Cartulary Title: London 1189-1228 Volume 26
Charter Language: Latin
Charter Origin: Religious
Charter Type(s): Confirmation
Date: 1190 - 1196
Date Type: Assigned

map View Map
Charter:
Omnibus Cristi fidelibus ad quos presens scriptum pervenerit Ricardus divina miseratione London ecclesie minister humilis eternam in domino salutem Que locis religiosis et ibidem deo cordis contriti sacrificium et devotas orationes offerentibus collata sunt beneficia perpetua dignum est stabilitate consistere et ne malignantium insidiis tractatu temporis possint infirmari ea pontificali decet auctoritate roborari Quo circa religionem dilectorum in Cristo filiorum nostrorum monachorum Westm celebrisque fraternitatis hoc fame testimonium attendentes ipsis quasdam ecclesias in diocesi nostra consistentes a Gilbertis felicis memorie Lundon episcopo predecessoris nostro prius eis confirmatas nos quoque auctoritate episcopali confirmamus easque ad ampliorem securitatem expressis nominibus cum certis pensionibus earumdem illis confirmatis duximus nominare ecclesiam videlicet sancti Martini de La Cherring cum pensione xx solidorum ecclesiam sancti Clementis prope Templum cum pensione quinque solidorum ecclesiam sancti Dunstani cum pensione sexdecim solidorum ecclesiam sancte Brigide cum pensione marce unius ecclesiam sancti Martini de Ludgate cum pensione xv solidorum ecclesiam sancti Albani cum pensione marce unius ecclesiam sancte Agnetis cum pensione septem solidorum ecclesiam sancti Clementis in Kandelwichtestrete cum pensione triginta duorum denariorum ecclesiam sancti Iacobi in Vineteria cum pensione viginti solidorum ecclesiam sancti Laurentii apud Pontem cum pensione viginti solidorum ecclesiam sancti Mathei cum pensione decem solidorum ecclesiam sancte Margarete prope Pontem cum pensione decem solidorum medietatem ecclesie sancti Magni Martyris prope Pontem cum pensione marce unius ecclesiam de Wokindon cum pensione viginti solidorum ecclesiam sancti Mathei de qua supradiximus cum pensione decem solidorum et terram que iuxta eam est et ad eam pertinet que reddit quatuordecim solidos ecclesiam de Kelleveden cum pensione centum solidorum ecclesiam de Fering cum pensione viginti solidorum ecclesiam de Sabricheswrth ad sacristiam eorum pertinentem cum pensione quindecim librarum ecclesiam de Heindun cum pensione duarum marcarum capellam de Theye cum pensione dimidie marce decimas de Roynges ad officium cantoris pertinentes Et ut hec nostra confirmatio plene firmitatis robur obtineat nos eam presentis scripti testimonio cum sigilli nostri appositione roboravimus Hiis testibus Alano capellano et Iohanne de Garland magistro Thoma de Chabbeham Ricardo capellano Iohanne de Waltha Willelmo persona de Stanes Willelmo de Hadfeld Ricardo de Lundon Radulfo Ianitore et aliis multis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter