Charter Document - 03320133

Omnibus presens scriptum visuris vel audituris Robertus dei gratia Dunelm episcopus salutem in domino Sciatis nos concessisse et licentiam dedisse dilectis in Cristo filiis Hugoni priori et conventui Dunelm boscum suum de Beaurepayr quem bone memorie N predecessor noster et nos sibi et conventui Dunelm donavimus cum toto campo de Cruketona quantum in nobis est et Beaurepayr necnon et incremento supercilii more iuxta Yuesmos et iuxta portam exteriorem de Beaurepayr quod sibi nunc donamus ad includendum eo quod palacium alibi fieri non potest competentius Volentes et concedentes quod dicti prior et conventus dictum boscum includant feras ponant et habeant in eodem imperpetuum libere pacifice et quiete ita quod nullus alius dictum boscum intret ad fugandum vel aliquid capiendum ibidem seu clausturam factam vel faciendam infrigendum sub poena decem librarum Volumus etiam quod si terram de tenura prioris de Finchal que est inter dictum boscum et viam que ducit ad Aldenrigg adquirat eandem ut dictum est includat et commodum suum inde faciat In cuius rei testimonium presenti scripto sigillum nostrum fecimus apponi Hiis testibus dominis Roberto de Nevill Marmeduco filio Galfridi Ricardo de Tweng Rogero de Lumley Waltero de Ludeworth militibus et aliis Dat apud Dunelm in festo nativitatis dominice anno eiusdem MCCLX septimo pontificatus nostri anno septimo