Charter Document - 03330098
Charter Number: 03330098
Cartulary Title: Carlisle 1133-1292 Volume 30
Charter Language: Latin
Charter Origin: Religious
Charter Type(s): Ordination
Date: 1244
Date Type: Internal, Calendar, Episcopal
View Map
Cartulary Title: Carlisle 1133-1292 Volume 30
Charter Language: Latin
Charter Origin: Religious
Charter Type(s): Ordination
Date: 1244
Date Type: Internal, Calendar, Episcopal
View Map
Charter:
Omnibus Cristi fidelibus presentes litteras inspecturis et audituris Walterus miseratione divina Karl ecclesie minister humilis salutem in Domino Ne ea que ad pacem perpetuam et tranquillitatem religiosorum proinde sunt statuta alicuius arbitrio seu voluntate facili dissolvantur ad vestram volumus pervenire notitiam quod cum viri religiosi Rogerus abbas de Whiteby et eiusdem loci conventus taxationem vicarie ecclesie sue de Crosseby Ravenswarth ordinationi nostre sponte et absolute commisissent nos habita deliberatione necnon etiam tractatu super eo cum discretis pensatis et taxatis facultatibus ipsius ecclesie per viros fidedignos vicariam ipsam ordinavimus in forma subscripta videlicet quod vicarius qui pro tempore erit habeat totum alter agium cum viginti acris terre et duobus toftis ante portam quondam Ricardi de Camera que quidem ei pro vicaria imperpetuum assignavimus reddendo inde annuatim dictis monachis de Whiteby viginti solidos medietatem scilicet ad festum sancti Martini in yeme et medietatem ad Pentecosten et salva dictis monachis decima lane et agnorum totius parochie predicte cum duabus partibus feni de dominico ville de Meybrun et quod vicarius qui pro tempore erit in dicta ecclesia omnia onera ordinaria et consueta scilicet sinodalia et archidiaconalia sustineat et quod in extraordinariis auxiliis abbas et conventus de Whiteby pro sua portione vicarius pro sua respondeat Ordinationem siquidem prescriptam ratam habere volumus et illibatam imperpetuum In cuius rei testimonium presenti scripto sigillum nostrum fecimus apponi Actum apud Karleol pridie kalendas Aprilis pontificatus nostri anno vicesimo primo