Charter Document - 03330203

Universis Cristi fidelibus ad quos presens scriptum pervenerit Radulphus miseratione divina Karleonens episcopus salutem in Domino sempit[ernam Univers]ali ecclesie tanto nos vehementius proficere credimus quanto viros religiosos quos s[anctam eccles]iam orationum suarum instantia potissimum [fulcire sup]ponimus ad orandum in[cessabilius atque sincer]ius nostra sollicitudine reddiderimus expeditos In quo hau[t dubium convalescimus si ip]sos bona sibi caritative collata optinere inconcussibiliter quantum ad n[os pertin]et procuremus Ut igitur sanctam congregationem monachorum de Wyteby quos [ab ineunte etate] cognovimus in orationibus et religiosis operibus extitisse sollicitos quantum ad ecclesiam de Crosby Ravenswart nostre diocesis quam in usus proprios po[ssident faciamus inconcussi]bilem in posterum et immunem instrumenta predecessorum nostrorum et metropolitanorum et capituli nostri Karleolens et Torphini patroni quorum auctoritate [ad possessionem eiusdem] ecclesie pervenerint et eiusdem possessio[ni a]d presens incumbunt que nos oculata fide perspeximus in presenti scripto duximus recitanda ac nostre [confirmationis adiectione robora]nda pariter et iuvanda Litteram quippe bone memorie [Et]helwaldi predecessoris nostri inspeximus hiis verbis [] Confirmationem autem bone memorie Rogeri Ebor archiepiscopi super huiusmodi concessione inspeximus in hiis verbis [] Item litteram bone memorie Bemardi predecessoris [nostri super hoc eodem in]speximus in hiis verbis [] Litteram etiam bone memorie Hugonis [predecessoris nostri inspeximus in hii]s verbis [] Item litteram capituli nostri Karleol premissorum ratificativam inspeximus in hiis verbis [] Item taxationem vicarie sepedicte ecclesie per bone memorie Walterum predecessorem nostrum [factam inspeximus in] hiis verbis [] Nos igitur premissas concessiones et confirmationes predictis in Cristo filiis super prefata ecclesia de [Crossby] Ravenswarth in proprios usus perpetuis temporibus possidenda factas insuper et taxationem vicarie predicte ecclesie paulo superius memoratam ratas et firmas habentes ex ce[rta scientia confirmamus Et si quis] defectus in aliqua predictarum concessionum seu confirmationum fuerit illum et illos si plures fuerint habita super hoc deliberatione et tractatu cum nostro concilio diligenti caritatis intuitu auctoritate pontificali suplemus ita videlicet quod dictam ecclesiam cum omnibus suis pertinentiis salva predicta portione vicarie assignata in eadem in proprios usus sicut hactenus habuerunt in posterum possideant et habeant imperpetuum integre pacifice ac quiete salva tamen in omnibus ecclesie Karleol dignitate et iuribus ad ipsam pertinentibus de eadem In cuius rei robur et testimonium sigillum nostrum fecimus scripto presenti apponi Data apud Gyseburn sexto idus Iunii anno gratie mcc octogesimo primo