Charter Document - 03340085

Nigellus Dei gratia Elyensis episcopus venerabilibus fratribus episcopis abbatibus archidiaconis decanis universisque fidelibus tam clericis quam laicis per Angliam existentibus salutem et fraternam dilectionem Dignum Deo ducimus et tanquam salubre animarum nostrarum remedium digne recolimus pietatis confovere presidio quos pie et religiose in Dei perseverare videmus obsequio Verumptamen quoniam pre nimia multitudine nobis multorum notitia deest quosdam tum vita tum moribus probatos et ex cohabitatione satis cognitos eripere si corruant retinere si devient omnibus modis sustentare ut vigeant et ecclesiarum suarum possessiones tueri ne pereant sollicitudine officii nostri id exigente pro bono censuimus Fratris igitur nostri Roberti abbatis Thorneye et totius conventus eiusdem iustis petitionibus assentientes Deo et sancte Marie et sancto Botulfo locum Ancraeie que nunc Thorneya vocatur in quo eadem ecclesia constructa est et omnes res eidem pertinentes et omnes alias possessiones quas iuste et canonice eadem ecclesia possidere dinoscitur concedimus et confirmamus Quarum possessionum nomina ne si taceantur in aliquo possit minui ecclesie substantia in carta nostra volumus annotare per singula In comitatu Cantebrig Witleseyam et omnes illas consuetudines et causas seculares quas habebat Eliensis ecclesia in hundredis suis de Wicheford de terra et de hominibus Thornensis ecclesie de Witleseya exceptis propriis regalibus consuetudinibus que super terram illam evenerint quas Herveus primus Eliensis episcopus concessit et dedit in elemosinam Thornensi ecclesie in die dedicationis eiusdem ecclesie concessu totius conventus Eliensis ecclesie His testibus Gileberto London episcopo Iohanne Rofensi episcopo In comitatu Huntendon Neuton Wdeston Iakesleam et mercatum eiusdem ville cum saca et soca et tol et tem et infangenþef et omnibus consuetudinibus eidem pertinentibus ad hec medietatem stagni quod Witlesmere dicitur Stangrund Farresheued Haddone Sibeston duas hidas et dimidiam et in Stibinctune quinque virgatas pertinentes ad Sibeston et decimam unius caruce in Sibeston in Stibincton decimam Rogerii in prato de Stantune xxviii acras de diversis hominibus in Coppedeþorn xiiii acras terre et pratum eidem terre pertinens item de dono Simonis comitis de Hamptune tertiam partem molendini Huntendon reddentem singulis annis xl solidos et in eadem villa duas domos et terras in quibus ipse domus sunt et medietatem ecclesie Omnium Sanctorum de mercato eiusdem ville decimam Widonis filii Gocelini de Cestreton in Fulkewurþe duas virgatas terre et dimidiam et aliam terram in eadem villa viii solidos annuatim reddentem de dono Andree Revelli in predicta villa xv acras quas dedit in elemosinam pro se et omnibus parentibus suis vivis et mortuis In comitatu Hampton Twiwell duas hidas et molendinum terram in Luffewik item dimidiam virgatam terre et x acras de inland in predicta villa unam hidam in Rande cum redditu eius scilicet xii solidis Cherwolton in Stokes unam carucatam terre de dominio Willelmi de Albeni Britonis cum tofta et prato et tota communitate in bosco et plano et pascuis de dono Alberici de Twiwell duas garbas decimarum v carrucarum trium villarum scilicet Islep Draitune Edentune In comitatu de Warewik Salubrigge virgatam unam terre in Flekenho et molendinum de Rugenton servitium Edrici de Flekenho cum terra sua scilicet v iugera in campo et in villa tres croftas et dimidiam In comitatu Bedefordie ecclesiam de Giveldene cum una hida terre et decimis eiusdem ville et omnibus oblationibus duas hidas et dimidiam in Bolleherst et ecclesiam eiusdem ville in Wildene duas virgatas terre cum hominibus qui illas tenent in Bedeford unam domum et terram ei pertinentem Item in Norfolk in villa que dicitur Tuameres unam terrulam reddentem v solidos item medietatem totius ville que dicitur Wenga et molendinum eiusdem ville insuper villanum unum nomine Normannum cum terra sua scilicet unam virgatam in predicta villa item x solidos de redditu molendini de Teseburg cum dimidio augmentationis quantum creverit piscationem de Welle de Helm de Tillinga et de Trillinga item duas ecclesias de Deping cum terris et omnibus ad eas pertinentibus item ecclesiam sancti Georgii de Thedford item terram de Stanford item heremitorum de Trokonholt et libertatem quam beatus Adelwoldus episcopus fundator predicti cenobii loco eidem favente rege Eadgaro et sancto Dunstano Dorobernensi archiepiscopo et Oswaldo Eboracensi archiepiscopo et omnibus aliis episcopis abbatibus et baronibus totius Anglie concessit et privilegium eius testatur Mandamus igitur et precipimus ut predicta ecclesia Thorn[ensis] libere et quiete et honorifice et sine omni vexatione prenominatas terras cum omnibus possessionibus teneat De quibus si quis ammonente diabolo aliquid abstulerit et violenter subtraxerit sententie anathematis subiaceat et eterna pena nisi resipiscat cum diabolo et angelis eius perfruatur Amen Valete