Charter Document - 03340165
Charter Number: 03340165
Cartulary Title: Ely 1109-1197 Volume 31
Charter Language: Latin
Charter Origin: Religious
Charter Type(s): Letter
Date: 1191
Date Type: Assigned
View Map
Cartulary Title: Ely 1109-1197 Volume 31
Charter Language: Latin
Charter Origin: Religious
Charter Type(s): Letter
Date: 1191
Date Type: Assigned
View Map
Charter:
Venerabili et dilecto in Cristo patri et amico Waltero Dei gratia Rothomagensi archiepiscopo Willelmus eadem gratia Eliensis episcopus et domini regis cancellarius salutem et debitam cum omni devotione reverentiam Convenimus vos aput London[iam] qua occasione Cantuariam adire velletis et id a vobis in responsis accepisse meminimus quod quoniam monachos Cantuarienses audieratis vobis offensos ut scilicet de causis offensionis si qua esset inquireretis et de prioris depositione certitudinem haberetis Verum datum est nobis intelligi vos alia consideratione Cantuariam festinare videlicet ut cum monachis illis de archiepiscopo eligendo tractetis Et valde nec mirum admirati sumus quod quasi captata absentia nostra velitis id facere cum sine nobis fieri nec possit nec debeat qui et toti regno vice regia presidemus et iure cancellarie nostre archiepiscopatum illum in manu nostra cum omnibus ecclesie pertinentiis habemus Cum igitur super tam magno et arduo negotio a quo summopere totius regni pendet dispositio sine domini regis aut nostra nunc temporis presentia tractari non debeat discretioni et honori vestro consulimus et mandamus ex parte domini regis districtius inhibentes ne propter hanc aut propter aliam quamcumque causam Cantuariensem ecclesiam adeatis donec vobiscum loqui possimus Non enim cum patientia vel rancoris dissimulatione hoc perferremus Teste meipso Apud Releiam xxv die Augusti
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
