Charter Document - 03350009
Charter Number: 03350009
Cartulary Title: Norwich 1244-1266 Volume 32
Charter Language: Latin
Charter Origin: Religious
Charter Type(s): Notification
Date: 1246
Date Type: Internal, A.D.
Resource Link(s): British Library - Cotton MS Claudius A XII (f87r)
View Map
Cartulary Title: Norwich 1244-1266 Volume 32
Charter Language: Latin
Charter Origin: Religious
Charter Type(s): Notification
Date: 1246
Date Type: Internal, A.D.
Resource Link(s): British Library - Cotton MS Claudius A XII (f87r)
View Map
Charter:
Omnibus Cristi fidelibus has litteras visuris vel audituris Walterus Dei gratia Norwicensis episcopus eternam in Domino salutem Noveritis nos de consensu capituli nostri in ecclesia de Wlpet venerabilibus viris abbati et conventui de sancto Eadmundo appropriata vicariam de consensu dictorum abbatis et conventus in hunc modum taxasse videlicet quod vicarius dicte ecclesie qui pro tempore fuerit percipiet omnia ad dictam ecclesiam pertinentia seu undecumque provenientia in decimis maioribus et minoribus oblationibus libera terra et omnibus aliis ad dictam ecclesiam quocumque modo pertinentibus salvis supradictis abbati et conventui viginti marcis annuis nomine pensionis a vicario eiusdem ecclesie qui pro tempore fuerit ad duos terminos solvendis videlicet ad unam synodum de Gipewico decem marcis et ad aliam synodum decem marcis Sustinebit etiam dictus vicarius omnia onera eiusdem ecclesie episcopalia archidiaconalia et omnia alia debita et consueta Dicti autem abbas et conventus hanc nostram taxationem non obstante aliqua consuetudine prius habita non obstantibus etiam aliquibus instrumentis a quocumque prius obtentis acceptaverunt et ei expresse consenserunt salva dictis abbati et conventui futuris temporibus libera presentatione ad dictam vicariam quotienscumque eam vacare contigerit In cuius rei testimonium presenti scripto sigillum nostrum et sigillum capituli nostri fecimus apponi Hiis testibus magistro Laurentio de Sumercote magistro Ada de Bromholm domino Iohanne de Holcham capellano nostro Willelmo de Pakeham Hugone de Correbrigg Willelmo de Ludham clericis Dat apud Thorp pridie idus Aprilis anno gratie millesimo ducentesimo XL sexto
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
