Charter Document - 03350038

Charter Number: 03350038
Cartulary Title: Norwich 1244-1266 Volume 32
Charter Language: Latin
Charter Origin: Religious
Charter Type(s): Indulgence
Date: 1254
Date Type: Internal, A.D., Episcopal

View Map

Charter: Names and Diplomatics Layers

Omnibus Cristi fidelibus ad quos presens scriptum pervenerit Walterus Dei gratia Norwicensis episcopus salutem in Domino sempiternam Inter preclaros Cristi confessores quorum presentia corporalis Anglicane patrocinatur ecclesie beatus Cuthbertus non mediocre sanctitatis preconium dinoscitur optinere nec immerito laudibus humanis attollitur cuius meritis infirmi sanitatis gratiam consecuntur cuius caro carie carens et prorsus integra perseverans dormientem potius quam mortuum preservare videtur Membra namque beati viri incorrupta penitus manere non solum venerabilis Bede presbiteri scriptura testatur verum etiam quam plurium sanctorum asserunt testimonia et ipsius sacratissimi corporis translatio evidentissime comprobavit Nos igitur tanti confessoris considerante insignia de Dei misericordia gloriose virginis Marie sancti Cuthberti omniumque sanctorum meritis confidentes omnibus parochianis nostris et aliis quorum diocesani hanc nostram indulgentiam ratam habuerint si de peccatis suis vere contriti fuerint et confessi qui ad feretrum confessoris antedicti sive ad galileam ecclesie eiusdem devotionis et orationis advenerint ac de bonis sibi a Deo collatis ad prefatum feretrum sive ad galileam aliquid cum devotione attulerint de iniuncta sibi penitentia quadraginta dies misericorditer inperpetuum relaxamus Dat Dunelm vi idus Septembris anno Domini MCCL quarto et pontificatus nostri anno decimo

Institution - an Institution associated with either the giver or receiver of a property transaction in a charter

Property - a property place location that is a transaction in a charter
issued

Issued - the issued at place location for the charter
charter

Charter