utl logo
UTL Home | Ethiopia Images | Central and Inner Asia Studies

Skip to: content

menu link

Charter Document - 03350124

Charter Number: 03350124
Cartulary Title: Norwich 1244-1266 Volume 32
Charter Language: Latin
Charter Origin: Religious
Charter Type(s): Inspeximus
Date: 1246
Date Type: Internal, A.D., Episcopal

map View Map
Charter:
Omnibus Cristi fidelibus ad quos presens scriptum pervenerit Walterus Dei gratia Norwicensis episcopus salutem in Domino Inspeximus bone memorie Willelmi Iohannis et Thome predecessorum nostrorum Norwicensium episcoporum cartas dilectis filiis nostris monachis de Sibetun Cisterciensis ordinis super parochiali ecclesia sancti Petri de Sibetun et capella beati Michaelis de Pesehal indultas per quas nobis constat dictam ecclesiam cum capella predictis monachis ad hospitalitatem et sustentationem pauperum Cristi ibidem confluentium in proprios usus fuisse concessam et confirmatam Nos autem pie religionis affectu circa memoratos monachos favorem propensius exequentes ac predecessorum nostrorum concessiones et confirmationes ratas habentes et acceptas suprascriptam ecclesiam sancti Petri cum capella beati Michaelis et cum omnibus ad eam pertinentibus sepedictis monachis confirmavimus salva perpetua vicaria in eadem ecclesia cum capella per bone memorie Thomam predecessorem nostrum taxata cuius estimationem et taxationem presentibus literis duximus inserendam videlicet ut vicarius qui pro tempore fuerit omnes decimas et obventiones prefate ecclesie et capelle nomine vicarie percipiet preter decimas garbarum et leguminum quas predictis monachis in usus proprios ut dictum est auctoritate pontificali confirmavimus In cuius rei testimonium presentes literas fieri fecimus et sigillo nostro muniri Dat apud Hoxon vii kalendas Septembris anno Domini millesimo ducentesimo quadragesimo sexto pontificatus nostri anno secundo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter
^ Top