Charter Document - 03350168
Charter Number: 03350168
Cartulary Title: Norwich 1244-1266 Volume 32
Charter Language: Latin
Charter Origin: Religious
Charter Type(s): Notification
Date: 1263
Date Type: Internal, A.D.
View Map
Cartulary Title: Norwich 1244-1266 Volume 32
Charter Language: Latin
Charter Origin: Religious
Charter Type(s): Notification
Date: 1263
Date Type: Internal, A.D.
View Map
Charter:
Excellentissimo domino H Dei gratia illustri regi Angl domino Hybern et duci Aquit Simon miseratione divina Norwicensis ecclesie minister humilis salutem cum omni reverentia obsequio et honore Cum Bartholomeus de Somerton miles et Bartholomeus filius eius clericus qui se gerit pro rectore ecclesiarum de Winterton et Somerton nostre diocesis in excommunicatione iam steterint per quadraginta dies et amplius et adhuc in salutis sue dispendium et aliorum cum eis communicantium perseverent in eadem claves ecclesie pertinaciter contempnendo excellentie vestre supplicamus quatinus cum ecclesia Dei quid ultra faciat non habeat iuxta regni vestri consuetudinem precipiatis de eisdem iustitie fieri complementum ut quos Dei timor a malo non revocat saltem cohercio secularis cohibeat a peccato Valeat reverenda dominatio vestra per tempora longa Dat London iiii idus Ianuarii anno gratie MCCLX secundo