Charter Document - 03370064
Charter Number: 03370064
Cartulary Title: Worcester 1186-1218 Volume 34
Charter Language: Latin
Charter Origin: Religious
Charter Type(s): Confirmation, Grant
Date: 1193 - 1195
Date Type: Assigned
Resource Link(s): British Library - Egerton MS 3031 (f72v)
View Map
Cartulary Title: Worcester 1186-1218 Volume 34
Charter Language: Latin
Charter Origin: Religious
Charter Type(s): Confirmation, Grant
Date: 1193 - 1195
Date Type: Assigned
Resource Link(s): British Library - Egerton MS 3031 (f72v)
View Map
Charter:
Universis Cristi fidelibus ad quos presens carta pervenerit Henricus Dei gratia Wigornensis episcopus eternam in domino salutem Licet ex officio suscepti regiminis omnium subditorum nostrorum utilitati studiose teneamur prospicere specialius tamen eos fovere diligere et eorum commoditati attentius studere debemus quos et morum honestas et artioris religionis sacer ordo reddit conmendabiles Noverit igitur universitas vestra nos considerata honesta conversatione monachorum de Rading et eorum circa hospitum susceptionem pia sollicitudine divine pietatis intuitu eisdem monachis concessisse et presenti carta confirmasse annuum canonem quadraginta solidorum de ecclesia eorum de Ruchinton annis singulis percipiendum ad sustentandam domus sue hospitalitatem salvis etiam memoratis monachis de Rading decimis de dominio suo de Ruchinton quas habent in usus proprios Et ut hec nostra concessio et confirmatio sepe dictis monachis de Rading omni tempore rata et inconvulsa permaneat eam presenti scripto sigilli nostri appositione munito roboravimus Hiis testibus magistro Willelmo de Tuneberg magistro Iordano de Wichewane magistro Gregorio de Hallaph magistro Arnaldo de Bathon
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
