utl logo
UTL Home | Ethiopia Images | Central and Inner Asia Studies

Charter Document - 03380040

Charter Number: 03380040
Cartulary Title: Hereford 1234-1275 Volume 35
Charter Language: Latin
Charter Origin: Religious
Charter Type(s): Letter
Date: 1241
Date Type: Assigned

map View Map
Charter:
Viris religiosis et amicis in Cristo karissimis domino priori ecclesie Cristi Cantuar et eiusdem loci capitulo P divina miseratione Hereford ecclesie minister humilis salutem et sinceram in domino caritatem Cum priorem de Wenlak auctoritate ordinaria fecissemus per archidiaconum Salopsir vocari ut dicit super ecclesiis de Clune et de Wenlak quas dicebat suis propriis usibus applicari ut ostenderet sua munimenta super ecclesiis memoratis ab audientia dicti archidiaconi ut asserit frustratione ut credimus ut nostram iurisdictionem effugeret sedem apostolicam appellavit et ad tuitionem sedis Cantuar subsidium invocavit tandem supponens dictus prior quod dominus episcopus Lond iurisdictionem habeat super hec cognoscendi auctoritate dicte sedis per dominum episcopum et per decanum Lichefeld cui ipse episcopus vices suas commisit fecit nos citari apud Lichefeld ut in transcripto citationis dicti decani quod vobis mittimus videbitis plenius contineri Cum igitur dignitati vestre vel iurisdictioni ex persona nostra vel facto nostro non velimus in aliquo derogare sicut etiam nec debemus nec amicitie nostre duximus declaranda ut iurisdictionem vestram siquam vos super hec habere creditis mediante iustitia defendatis ne possit vobis in posterum preiudicium generari inhibentes nobis sub qua pena volueritis per vestras patentes litteras ne coram eisdem iudicibus procedamus et episcopo et decano superius memoratis interdicentes efficaciter ne iurisdictionem vestram concutiant in hac parte et dicto priori de Wenlak cum simili inhibitione coram nobis terminum assignetis super eo quod iurisdictionem vestram impedit et perturbat et si nobis super omnibus istis vestras patentes litteras transmiseritis ut superius est narratum iurisdictionem vestram et nostram iustitiam propriis stipendiis manu provida prosequemur et coram vobis si iurisdictionem vestram exercere volueritis exhibebimus cuilibet iustitie complementum Quid autem inde facere volueritis nobis per latorem presentium rescribatis Valete
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter