utl logo
UTL Home | Ethiopia Images | Central and Inner Asia Studies

Charter Document - 03391005

Charter Number: 03391005
Cartulary Title: Salisbury 1229-1262 Volume 36
Charter Language: Latin
Charter Origin: Religious
Charter Type(s): Grant
Date: 1229 - 1246
Date Type: Assigned
Resource Link(s): Reference Document for this Embedded Document
map View Map
Charter:
Sciant presentes et futuri quod ego Ricardus filius Iohannis de Winterburn pro salute anime mee et predecessorum meorum dedi et concessi et hac carta mea confirmavi deo et ecclesie beate Marie de Abbend et monachis ibidem deo servientibus et in perpetuum servituris in puram et perpetuam elemosinam omnes decimas tam maiores quam minores de dominico meo provenientes in villa de Winterburne tam in assartis quam in assartandis si qua assarta ego vel heredes mei de cetero fecerimus quantum ad me et heredes meos pertinet in perpetuum habendas et pleno iure possidendas exceptis decimis provenientibus de terra quam ego emi de Luca que vocatur Popelehulle et exceptis decimis terrarum assisarum quas accepi in dominicum meum ab hominibus meis et excepta decima feni de prato meo in Winterburne cum oblationibus et obventionibus altaris quas ecclesia de Chivele percipere consuevit ita quod nec ego nec heredes mei eosdem monachos aliquo tempore super predictis decimis se contingentibus in aliquo inquietabimus nec aliquo quantum ad nos pertinet ipsos inquietari permittemus Et sciendum quod predicti monachi et successores eorum percipient annuatim plenarie decimas de illis quatuor acris de dominico meo in villa de Winterburne in campo orientali et campo australi quas ego in puram et perpetuam elemosinam contuli ecclesie de Chivel non obstante illa collatione quam ego per cartam meam confirmavi magistro Roberto de Ambiavis persone ecclesie eiusdem ville et successoribus suis Et ut hec donatio concessio et confirmatio mea robur perpetuum optineat presens scriptum sigillo meo roboravi Hiis testibus []
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter