utl logo
UTL Home | Ethiopia Images | Central and Inner Asia Studies

Charter Document - 03400265

Charter Number: 03400265
Cartulary Title: Salisbury 1263-1297 Volume 37
Charter Language: Latin
Charter Origin: Religious
Charter Type(s): Chirograph
Date: 1263 - 1270
Date Type: Assigned

map View Map
Charter:
Hec est conventio facta inter dominum Walterum episcopum Sar ex una parte et Willelmum Scrich de Langedon ex altera Videlicet quod idem Willelmus concessit reddidit remisit et quietum clamavit pro se et heredibus suis predicto domino episcopo et successoribus suis et ecclesie sue Sar totum ius et clamium quod habuit vel habere potuit in uno mesuagio et dimidia virgata terre cum pertinentiis in Langedone inperpetuum que idem Willelmus prius tenuit de predicto episcopo et ecclesia sua predicta per servitium unius libre cimini per annum pro omni servitio Et pro hac concessione redditione remissione et quieta clamantia idem episcopus ex concensu decani et capituli sui dedit concessit et hac presenti carta sua confirmavit pro se et successoribus suis et ecclesia sua predicta eidem Willelmo et heredibus suis tertiam partem feodi unius militis de feodo de Mortune in West Corscum quam idem dominus episcopus habuit de dono et concessione Iohannis de Cerne cum omnibus pertinentiis suis tam in dominicis servitiis liberorum hominum quam in wardis releviis et escaetis pratis pascuis et pasturis boscis aquis molendinis viis semitis et omnibus aliis aysiamentis ad predictam tertiam partem predicti feodi militis pertinentibus inperpetuum reddendo inde eidem domino episcopo et successoribus suis et ecclesie sue predicte quinque solidos per annum ad quatuor anni terminos scilicet ad Natale domini quindecim denarios ad Pascha quindecim denarios ad festum Nativitatis beati Iohannis Baptiste quindecim denarios et ad festum beati Michaelis quindecim denarios et faciendo inde pro predicto episcopo et successoribus suis et ecclesia sua predicta capitalibus dominis feodi illius omnia alia servitia que ad predictam tertiam partem eiusdem feodi pertinent pro omni servitio consuetudine secta curie et exactione ad predictum episcopum et successores suos et ad ecclesiam suam pertinente in perpetuum Et idem episcopus et successores sui et ecclesia sua predicta warentizabunt eidem Willelmo et heredibus suis predictam tertiam partem predicti feodi cum pertinentiis per predictum servitium sicut predictum est contra omnes homines inperpetuum Et si contingat quod absit quod predictus Willelmus vel heredes sui defecerint in solutione predictorum quinque solidorum annuatim reddendorum ad aliquem sui terminum bene licebit predicto domino episcopo et successoribus suis et ecclesie sue predicte distringere predictum Willelmum et heredes suos per omnia catalla sua inventa in predicto tenemento et illa ducere ac fugare apud Langedon pro voluntate ipsorum usque ad plenariam solutionem predicti redditus qui aretro fuerit in perpetuum In cuius rei testimonium tam predictus episcopus decanus et capitulum Sar quam predictus Willelmus huic scripto ad modum cyrographi confecto alternatim sigilla sua apposuerunt Hiis testibus domino Roberto decano Sar magistro Radulfo de Heham magistro Iohanne de Burton subdecano domino Martino de Litlebiri canonico Sar domino Radulfo de Gorges domino Iohanne de Strode militibus Roberto de Wodeton Willelmo de Cedigdone Iohanne le Brut Willelmo de Well et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter