utl logo
UTL Home | Ethiopia Images | Central and Inner Asia Studies

Charter Document - 03400268

Charter Number: 03400268
Cartulary Title: Salisbury 1263-1297 Volume 37
Charter Language: Latin
Charter Origin: Religious
Charter Type(s): Grant
Date: 1263 - 1270
Date Type: Assigned

map View Map
Charter:
Sciant presentes et futuri quod nos Walterus miseratione divina Sar episcopus de voluntate et consensu et assensu totius capituli nostri Sar dedimus concessimus et hac presenti carta nostra confirmavimus Iohanni de Southeye pro homagio et servitio suo totam terram illam cum pertinentiis suis quam idem Iohannes de nobis et predecessoribus nostris apud Southeye in parochia de Wokyngham aliquo tempore in vilenagio tenuit habendam et tenendam sibi et heredibus suis vel suis assignatis de nobis et successoribus nostris libere et quiete pacifice integre et hereditarie imperpetuum reddendo inde annuatim nobis et successoribus nostris ipse et heredes sui vel sui assignati duos solidos sterlingorum apud Wokyngham ad duos anni terminos videlicet ad festum Annuntiationis beate Marie duodecim d[enarios] et ad festum sancti Michaelis xii d pro omnibus servitiis auxiliis consuetudinibus et secularibus demandis ad nos vel ad successores nostros pertinentibus salva secta ad hundreda nostra facienda sicut faciunt alii liberiores homines nostri de manerio nostro de Sonnygg Remisimus insuper et quietum clamavimus pro nobis et successoribus nostris totum ius et clamium quod habuimus vel habere potuimus in predicto Iohanne et tota sequela sua et heredibus suis et in catallis suis ratione nativitatis seu servitutis ita videlicet quod nos nec successores nostri nec aliquis nomine nostro aliquid iuris vel clamii in ipsis in catallis suis de cetero ratione predicta clamare exigere vel vendicare poterimus Volumus etiam et concedimus quod predictus Iohannes et tota sequela sua quam habet et habiturus est et heredes sui de cetero liberi sint et omnes libertates et liberas leges et consuetudines habeant et teneant temporibus perpetuis sicut liberiores homines nostri de manerio predicto Pro hac autem donatione concessione remissione warantizatione et huius carte nostre confirmatione remisit predictus Iohannes et quietan clamavit nobis et successoribus nostris totam terram cum omnibus pertinentiis quam habuit in villa de Sandhurst Et nos predicti W et successores nostri predictam terram de Southeye cum omnibus pertinentiis suis et libertatibus predictis prefato Iohanni et heredibus vel assignatis suis warantizabimus contra omnes gentes imperpetuum Et ut hec nostra donatio concessio et remissio atque huius carte nostre confirmatio et warantizatio stabiles imperpetuum perseverent presentem cartam sigillo nostro una cum sigillo predicti capituli fecimus roborari [Hiis testibus domino Stephano de la Wyle milite Roberto de Grandun Iohanne de Merlaue Symone de Waltham Thoma le Gras rectore ecclesie de Warefeld Rolando de Erie Gilberto Bulluc Roberto Northman Iacobo de Yvendondon Radulfo de la Hahe Iohanne filio eius et multis aliis]
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter