utl logo
UTL Home | Ethiopia Images | Central and Inner Asia Studies

Charter Document - 03400272

Charter Number: 03400272
Cartulary Title: Salisbury 1263-1297 Volume 37
Charter Language: Latin
Charter Origin: Religious
Charter Type(s): Ordination
Date: 1269 - 1271
Date Type: Assigned

map View Map
Charter:
Omnibus Cristi fidelibus presentem cartam visuris et audituris Ricardus de Coleshulle miles dominus de la Wyle salutem in domino sempiternam Noveritis universitas vestra quod ego et heredes mei tenemur annis singulis in festo sancti Michaelis presentare venerabili viro domino [] archidiacono Berkes qui pro tempore fuerit vel eius officiali idoneum presbiterum in capella de la Wyle quam venerabilis pater dominus Walterus dei gratia Sarr episcopus ibi construxit et in honore beatorum Eadmundi et Egidii confessorum dedicavit secundum ordinacionem eiusdem patris consensu [] decani et capituli Sarr roboratam in divinis officiis serviturum et domum in qua presbiter ibidem hactenus manere consueverat eidem presbitero cum orto adiacente concedere seu committere et quinque dumtaxat marcas pro victui suo necessariis simul et stipendiis singulis annis quatuor anni terminis principalibus pro equalibus porcionibus sibi numerare seu persolvere et capellam ipsam et ornamenta necessaria et domum supradictam perpetuis temporibus propriis sumptibus sustinere quod si presbiterum idoneum in predicto festo vel ante finem mensis in quo festum illud contigerit presentare distulerimus ex tunc archidiaconus vel eius officialis quoad annum subsequentem de presbitero provideat ibidem prout convenit servituro et sumptibus nostris pretaxatis exhibendo Et si forsan in predictis domo et orto sibi tradendis vel ipsis quinque marcis suis terminis persolvendis in toto vel in parte destiterimus archidiaconus vel eius officialis per censuram ecclesiasticam sine strepitu iudiciali nos ad plenum compellat satisfacere Ad huius autem oneris sustentacionem concessit nobis et tradidit predictus pater preter patrimonium suum de la Wyle quod nobis liberaliter contulit quater viginti acras et sexdecim terre arabilis et quoddam pratum et viginti et octo solidos et duos denarios et duos capones annui redditus quos idem de propria pecunia comparavit quosque presenti carta confitemur ad oneris predicti sustentacionem pleno iure pertinere []
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter