Charter Document - 03400282

R dei gratia [Sar] et c dilecto filio archidiacono Berk vel eius officiali salutem gratiam et benedictionem Presentarunt nobis dilecti filii abbas et conventus monasterii Cyrencestr magistrum N de M ad vicariam ecclesie de Hakebourn vacantem et ad eorum presentationem spectantem ut dicunt Quo circa devotioni vestre mandamus quatinus in pleno loci capitulo per circumpositarum ecclesiarum rectores et vicarios per quos rei veritas melius sciri poterit et inquiri diligenter inquiratis an sit ibi vicaria et per quem cuius auctoritate et quo tempore fuerit ordinata in quibus portionibus fructibus et obventionibus seu portionibus existat item quis sit rector in eadem ecclesia et quantum pars rectoris et quantum pars vicarii communibus annis in vera estimatione valeat annuatim item an ecclesia ipsa consueverat per unum rectorem secularem integraliter regi et quomodo postea divisa fuerit cuius auctoritate et a quo tempore et de portione quam dicti abbas et conventus optinent in eadem qualiter per quem et a quo tempore eis concessa fuerit et appropriata et utrum portionem ipsam tenent ut rectoriam vel quo alio titulo seu iure et hec eadem per seniores et fidedigniores parochie eiusdem ecclesie inquiratis vel inquiri faciatis diligenter De meritis etiam natalibus et ordinibus presentati ac aliis articulis consuetis per capitulum inquiratis et inquisitionem vestram harum seriem continentem in scriptis fideliter redactam sub sigillo vestro et decani loci suo nomine et aliorum per quos inquisitio ipsa facta fuerit consignatam nobis remittentes Dat []