Charter Document - 03430010
Charter Number: 03430010
Cartulary Title: Norwich 1266-1288 Volume 40
Charter Language: Latin
Charter Origin: Religious
Charter Type(s): Notification
Date: 1274
Date Type: Internal, Calendar, Feast, Lunar
View Map
Cartulary Title: Norwich 1266-1288 Volume 40
Charter Language: Latin
Charter Origin: Religious
Charter Type(s): Notification
Date: 1274
Date Type: Internal, Calendar, Feast, Lunar
View Map
Charter:
Universis Cristi fidelibus presentes litteras inspecturis vel audituris Rogerus permissione divina Norwicensis episcopus salutem in Domino sempiternam Quia nonnunquam procedens temporis elapsus rei geste subtrahit testimonium vive vocis iccirco provida discretorum cautela competens ad hoc excogitavit remedium scripture notitiam que vices suppleret vive vocis Sane cum venerabilis in Cristo S Dei gratia abbas monasterii sancti Edmundi nostre diocesis verus patronus ecclesie de Pakenham ad cuius vicariam presentatio de iure noscitur pertinere dilectum clericum nostrum magistrum Adam Harald de Scerninge nobis presentaverit intuitu caritatis ne per huiusmodi presentationem ymaginaria occasione assumpta prelibato abbati seu suis successoribus aliquod preiudicium per nos vel nostros successores ad nominationem dicte vicarie seu collationem processu temporis possit generari nos nominationis et presentationis ad prenominatam ius plenum competere abbati profitemur prelibato In cuius rei testimonium presentes litteras sigilli nostri munimine fecimus roborari Dat apud Baketon die lune proxima post festum sancte Scolastice anno MCC septuagesimo tertio