utl logo
UTL Home | Ethiopia Images | Central and Inner Asia Studies

Charter Document - 03430190

Charter Number: 03430190
Cartulary Title: Norwich 1266-1288 Volume 40
Charter Language: Latin
Charter Origin: Religious
Charter Type(s): Notification
Date: 1283
Date Type: Internal, A.D., Episcopal

map View Map
Charter:
Universis sancte matris ecclesie filiis presentes litteras visuris vel audituris Willelmus permissione divina Norwycensis episcopus salutem in Domino Noverint universi quod cum contentio seu lis mota esset coram venerabili patri domino I Dei gratia Cantuariensi archiepiscopo Norwycensem diocesim tunc visitante inter priorem de Legha et eiusdem loci conventum necnon et dominum Seyerum de Holebrok rectorem medietatis ecclesie de Wenham Combusta actores ex parte una et priorem sancti Leonardi de Bresete et eiusdem loci canonicos reos ex altera super duabus partibus maiorum decimarum provenientium de una carucata terre sita in dicta parochia de Wenham que vocatur Stansfeldehalle tandem lis sub ista forma conquievit amicabiliter inter partes videlicet quod antedicte partes se submiserunt de communi assensu et expresso earundem ordinationi nostre super dictis decimis faciende Nos autem prout tenemur finem litibus imponere cupientes inspectis iuribus et munimentis ex utraque parte propositis ita ordinamus videlicet quod prior et conventus de Leg et dictus Seyerus et eius successores in medietate ecclesie de Wenham supradicte pro equalibus portionibus dictas duas partes decimarum habeant et possideant inperpetuum ita tamen quod pro dictis decimis prior de Leg et eiusdem loci conventus necnon dictus Seyerus et successores sui in medietate ecclesie de Wenham antedicte dictis priori et canonicis de Bresete quinque solidos singulis annis in festo omnium sanctorum solvant pro equalibus portionibus secundum quod decimas percipient Et si contingat quod dictus prior de Leg et eiusdem loci conventus necnon dictus Seyerus vel eius successores in medietate ecclesie de Wenham antedicte in solutione quinque solidorum termino supradicto facienda cessaverint licitum erit priori de Bresete qui pro tempore fuerit et eiusdem loci canonicis absque contradictione aliqua prioris de Leg et eiusdem loci conventus necnon dicti Seyeri vel successorum suorum in medietate ecclesie de Wenham antedicte dictas duas partes decimarum percipere et de eisdem decimis prout eis expedire videbitur ordinare Ad hoc si contingat aliquam dictarum partium contra hanc ordinationem nostram aliquo modo vel sensu venire illa pars que contraveniret submiserit iurisdictioni et cohercioni nostre quod eam possimus compellere per suspensionis excommunicationis et interdicti sententias absque aliquo strepitu iudiciali ad presentis nostre ordinationis observantiam de die in diem in ipsam proferendas Ut autem hec nostra ordinatio inperpetuum rata et stabilis permaneat eam sigilli nostri appositione fecimus communiri et ne partes contra eam aliquo casu vel sensu venire possint ipsam per sigillorum suorum appositionem roborarunt Dat apud Oreford xiii kalendas Augusti anno Domini MCCLXXX tertio et consecrationis nostre anno sexto
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter