utl logo
UTL Home | Ethiopia Images | Central and Inner Asia Studies

Charter Document - 03430239

Charter Number: 03430239
Cartulary Title: Norwich 1266-1288 Volume 40
Charter Language: Latin
Charter Origin: Religious
Charter Type(s): Notification
Date: 1281
Date Type: Internal, A.D.

map View Map
Charter:
Serenissimo principi domino suo reverendo domino Edwardo Dei gratia regi Angl illustri domino Hibern et duci Aquit W eiusdem permissione Norwicensis episcopus salutem in eo per quem reges regnant et potentes reddunt iustitiam Cum Iohannes de Buckessale de Ratlesdene nostre diocesis propter suam manifestam contumaciam pariter et offensam auctoritate ordinaria maioris excommunicationis sententia fuerit innodatus et in eadem per quadraginta dies et amplius perseveraverit et adhuc perseveret animo indurato claves sancte matris ecclesie pertinaciter contempnendo et gregem dominicum nequiter contaminando ac ecclesia Dei nil habeat ultra quid faciat in hac parte celsitudinem vestram regiam devote rogamus quatinus dictum excommunicatum per potestatem brachii secularis compescere dignemini ut quem Dei timor a malo non revocat potestatis secularis severitas cohibeat a peccato Valeat dominatio vestra reverenda per tempora diuturna Dat apud Geywode vii kalendas Septembris anno Domini MCCLXXX primo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter