utl logo
UTL Home | Ethiopia Images | Central and Inner Asia Studies

Charter Document - 03430277

Charter Number: 03430277
Cartulary Title: Norwich 1266-1288 Volume 40
Charter Language: Latin
Charter Origin: Religious
Charter Type(s): Memorandum
Date: 1283
Date Type: Internal, A.D., Calendar, Episcopal

map View Map
Charter:
Memorandum quod dudum inter providum virum magistrum Thomam de Skernyngg rectorem ecclesie de Magna Waxtonesham ex parte una et religiosos viros abbatem et conventum sancti Benedicti de Hulmo ex altera super tertiam partem decimarum garbarum de dominicis domini Olyveri de Ingham provenientis videlicet de terra que vocatur Bordland infra limites dicte parochie de Waxtonesham primo coram venerabili patre domino I Dei gratia Cantuariensi archiepiscopo totius Anglie primate deinde coram magistro Ricardo Levebaud officiali archidiaconi Suff commissario eiusdem domini archiepiscopi orta fuisset materia questionis et processum aliquamdiu in eadem tandem cessantibus litium ambagibus partes ipse litium amfractus evitare et per viam pacis et concordie incedere cupientes in nos Willelmum permissione divina Norwicensem episcopum tanquam in arbitrium arbitrat orem et amicabilem compositorem compromiserunt se et iura sua super perceptionem predictarum decimarum nostro arbitrio ordinationi laudo et diffinitioni sponte pure et absolute hinc inde pro se et successoribus suis totaliter submittentes Nos igitur prout ex pastorali officio sumus astricti litium fomenta extinguere cupientes et in nos onus huius admittentes inter partes memoratas taliter duximus ordinandum In Dei nomine Amen Intellectis iuribus providi viri magistri Thome de Skernynng rectoris ecclesie de Magna Waxtonesham ex parte una et religiosorum virorum abbatis et conventus sancti Benedicti de Hulmo ex altera super perceptionem tertie partis decimarum garbarum de dominicis domini Olyveri de Ingham provenientium videlicet de terra que vocatur Bordlond infra limites dicte parochie de Waxtonesham quarum dictos religiosos in hac parte perpetua exceptione utpote rei iudicare comperimus esse suffultos et sufficienti prescriptione munitos arbitrando ordinamus laudamus et diffinimus quod dicti abbas et conventus et eorum successores predictam tertiam partem decimarum garbarum absque contradictione vel impedimento dicti rectoris de Waxtonesham seu successorum suorum pacifice futuris temporibus percipiant et quiete possideant prefato rectori et successoribus suis super exactione earundem decimarum perpetuum silentium imponentes In cuius rei testimonium presentibus sigillum nostrum duximus apponendum Dat apud Bukenham kalendis Maii anno Domini MCCLXXX tertio et consecrationis nostre anno quinto
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter