utl logo
UTL Home | Ethiopia Images | Central and Inner Asia Studies

Charter Document - 03470021

Charter Number: 03470021
Cartulary Title: Charters of Bath and Wells
Charter Language: English
Charter Origin: Religious
Charter Type(s): Will
Date: 0984 - 1016
Date Type: Assigned
Resource Link(s): Anglo Saxon Charters (S 1538) eSawyer (S 1538)
map View Map
Charter:
Ic Wulfwaru bidde minne leofan hlaford Æþelred kyning him to ælmyssan þæt ic mote beon mines cwydes wyrðe Ic kyðe þe leof her on ðisum gewrite hwæs ic geann into Baðum to Sancte Petres mynstre for mine earman sawle et for minra yldrena þe me min ar of com et mine æhta þæt is þonne þæt ic geann ðæder into ðære halgan stowe anes beages is on syxtigum mancussum goldes et anre blede is on þriddan healfon punde et twegea gyldenra roda et anes mæssereafes mid eallum þam ðe ðærto gebyreð et anes hricghrægles þæs selestan þe ic hæbbe et anes beddreafes mid wahryfte et mid hoppscytan et mid eallum þam þe þærto gebyreð And ic geann Ælfere abbode þæs landes æt Ferscesforda mid mete et mid mannum et mid eallre tylðe swa ðærto getilod bið And ic geann Wulfmære minum yldran suna þæs landes æt Clatfordtune mid mete et mid mannum and mid eallre tilðe et þes landes æt Cumtune mid mete et mid mannum et mid eallre tilðe et þes landes æt Budancumbe ic geann him healfes mid mete et mid mannum et mid eallre tilðe healfes ic his geann Alfware minre gyngran dehter mid mete et mid mannum et mid eallre tilðe et dælon hi þæt heafodbotl him betweonan swa rihte swa hi rihtlicost magon þæt heora ægðer his gelice micel habbon And Ælfwine minum gyngran suna ic geann þes landes æt Leage mid mete et mid mannum et mid eallre tilðe And þes landes æt Healhtune mid mete et mid mannum et mid eallre tilðe And þes landes æt Hocgestune mid mete et mid mannum et mid eallre tilðe et ðritigra mancussa goldes And ic geann Godan minre yldran dehter þes landes æt Wunfrod mid mete et mid mannum et mid eallre tilðe et twegea cuppena on feower pundum et anes bendes on ðritigum mancussum goldes et twegea preonas et anes wifscrudes ealles And Alfware minre gyngran dehter ic geann ealles þæs wifscrudes þe þer to lafe bið And Wulfmære minum suna et Ælfwine minum oðrum suna et Alfware minre dehter heora þreoðra ælcum ic geann twegea cuppena on godum feo And ic geann Wulfmære minum suna anes heallwahriftes et anes beddreafes Ælfwine minum oðrum suna ic geann anes heallreafes et anes burreafes mid beodreafe et mid eallum hræglum swa ðerto gebyreð And ic geann minum feower cnihtum Ælmære et Ælfwerde et Wulfrice et Wulfstane anes bendes on twentigum mancussum goldes And ic geann eallum minum hiredwifmannum to gemanum anes godes casteneres wel gerenodes And ic wylle þæt þa þe to minre are fon þæt hi fi[n]don twentig freotmanna Tyne be eastan et tune be westan and æfre ælce geare ealle gemænelice ane feorme into Baðum swa gode swa hi bezte þurhteon magon to swylcre tide swylce heom eallum þince þæt hi bezt et gerisenlicost hi forðbringan magon Swylc heora swylce þis gelæste hæbbe he Godes milze and mine And swylc heora swylce þis gelæstan nelle hæbbe he hit him wið ðone hehstan gemæne þæt is se soðæ god þe ealle gesceafta gesceop et geworhte
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter