utl logo
UTL Home | Ethiopia Images | Central and Inner Asia Studies

Charter Document - 03480029

Charter Number: 03480029
Cartulary Title: Charters of Burton Abbey
Charter Language: English
Charter Origin: Religious
Charter Type(s): Confirmation
Date: 1002 - 1004
Date Type: Assigned
Resource Link(s): Anglo Saxon Charters (S 1536) British Library - Add MS 89169 (f9r) eSawyer (S 1536)
map View Map
Charter:
In Nomine Domini Her swutelað Wulfric his hleofan hlaforde his cwyde et eallon his freondon þæt is þæt ic geann minon hlaforde twa hund mancessa goldes et twa seolforhilted sweord et feower hors twa gesadelode et twa ungesadelode et þa wæpna þe þærto gebyriað et ic geann ælcum bisceope v mancessa goldes et þam twam arcebisceopan heora ægþran tyn mancusas goldes et ic geann into ælcum munucregole i pund et ælcon abbode et ælcon abbatissan v mancusas goldes et ic geann Ælfrice arcebisceope þæs landes æt Dumeltan forð mid þon oðran for minon sawle wið þan þe he freond et fultum ðe betere sy into þære stowe þe ic geworht hæbbe et ic gean Ælfhelme et Wulfage þæra landa betwux Ribbel et Mærse et on Wirhalum þe heo hig dælan him betweonan swa hig efnost magon butan heora ægðer his agen habban wille on þæt gerad þonne sceadd genge sy þæt heora ægðer sylle iii þusend sceadda into þæra stowa æt Byrtune et ic geann Ælfhelme Rolfestun et Heorlfestun et ic geann Wulfage þæs landes æt Beorelfestune et æt Mærchamtune et ic geann Ælfhelme þæs landes æt Cunugesburh wið þon þe he do þæt þa mvnucas habban ælce geare þriddan dæl þæs fisces et he ða twa dæl et ic geann Wulfage þæs landes æt Alewaldestune et ic geann Ufegeate þæs landes æt Norðtune on þæt gerad þæt he freond et fultum þe betere sy into þære stowe et ic geann minre earman dehter þæs landes æt Elleforda et þæs æt Aclea mid eallon þam þe þær nu to herð þa hwile hire ðe hire dæg bið et ofer hire dæg ga þæt land into þære stowe æt Byrtune et heo hit nage mid nanon þinge to forwyrcenne ac hæbbe heo ðone bryce þa hwile þe heo hit geearnigean cann et ga hit syððan into þæra stowe æt Byrtone forðon þe hit wæs mines godfæder gyfu et ic wille þæt Ælfhelm si hire mund et þæs landes et þæt æt Tamwurþin hire to nanon þeowdome ne nanon geborenan men butan þæt heo þone ealdordom hæbbe et ic geann Wulfgare minan cnihte þæs landes æt Baltryðeleage ealswa his fæder hit him begeat et ic becweðe Morcare þæt land æt Walesho et þæt æt Weogendeþorpe et þæt æt Hwitewylle et þæt æt Clune et þæt æt Barleburh et þæt æt Ducemannestune et þæt æt Moresburh et þæt æt Eccingtune et þæt æt Bectune et þæt æt Doneceastre et æt Morlingtun et ic geann his wife Aldulfestreo ealswa hit nu stont mid mete et mid mannon et ic geann Ælfhelme minan mæge þæs landes æt Paltertune et þæs ðe Scegð me becwæð et ic geann Æþelrice þæt land æt Wibbetofte et þæt æt Twongan his dæg et ofer his dæg ga þæt land for mine sawle et for minre meder et for his into Byrtune And þys synd þa land þe ic geann into Byrtune þæt is ærest Byrtun þe þæt mynster on stent et Strættun et Bromleage et Bedintun et Gageleage et Witestun et Laganford et Styrcleage et Niwantun æt þære wic et Wædedun et þæt lyttle land þe ic ah on oðer Niwantune et Wineshylle et Suttun et Ticenheale et þæt æt Scenctune et þæt æt Wicgestane et þæt æt Halen et Hremesleage et þæt æt Sciplea et þæt æt Suðtune et þæt æt Actune twegra manna dæg ealswa þa foreword sprecað et Deorlafestun et þæt þærto hereð þæt is Rudegeard et min lyttle land on Cotewaltune et Lege mid eallon þam þe þærto hereð acorfe mid þam þe þærto hereð þæt is Hilum et Celfdun et Cætesþyrne et þæt heregeatland æt Suðtune et Morlege et Bregdeshale Mortun et eall seo socna þe ðærto hereð et þæt land þyderinn æt Pillesleage et Oggodestun et Wynnefeld et Snodeswic into Mortune et þæt æt Taðawyllan et þæt land æt Æppelbyg þe ic gebohte mid minum feo et þæt æt Westune et Burhtun et seo hid æt Scearnforda into Wiggestane et þæt æt Hereburgebyrig et Ealdeswurðe et Ælfredingtune et Eccleshale et æt Waddune et an hida æt Sceon And ic geann þam hirede in Tamwurðin þæt land æt Langandune ealswa hi hit ær me to leton et habban hi þone bryce healfne et healfne þa munucas into Byrtun ge on mete ge on mannon ge on yrfe ge on eallon þingon et se bisceop fo to his lande æt Bubbandune et fon ða munucas into Byrtune to þam þe on þam land is ge on mete ge on mannon ge on eallon þingon et þæt land þam bisceope æt þære syle et ic wylle þæt se cyning beo hlaford þæs mynstres ðe ic getimbrede et þæra landara þe ic ðyderinn becweden hæbbe gode to lofe et to wurðmynta minan hlaforde et for minra sawla et Ælfric arceb et Ælfhelm min broðor þæt hig beon mund et freond et forespreocan into ðære stowe wið ælcne geborenne mann heom to nanre agenre æhta butan into sanctus Benedictus regole et ic geann minre goddehter Morkares et Aldgyðe þæt land æt Strættune et ðone bule þe wæs hire ealdermoder et into þam mynstre æt Byrtune an hund wildra horsa et sextena tame hencgestas et þærto eall þæt ic hæbbe on libbendan et on licgendan butan þan ðe ic becweden hæbbe et god ælmihtig hine awende of eallum godes dreame of ealra cristenra gemanan se ðe þis awende butan hit min an cynehlaford sy et ic hopyge to him swa godan et swa mildheortan þæt he hit nylle sylf don ne eac nanum oþrum menn geþafian Valete in Cristo Amen
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter