Charter Document - 03550007
Charter Number: 03550007
Cartulary Title: Charters of St. Augustines Abbey Canterbury and Minster-in-Thanet
Charter Language: Latin
Charter Origin: Royal
Charter Type(s): Grant
Date: 0686
Date Type: Assigned
Resource Link(s): eSawyer (S 9) Diplomatics Annotated (brat) Anglo Saxon Charters (S 9) ASChart (S 9)
View Map
Cartulary Title: Charters of St. Augustines Abbey Canterbury and Minster-in-Thanet
Charter Language: Latin
Charter Origin: Royal
Charter Type(s): Grant
Date: 0686
Date Type: Assigned
Resource Link(s): eSawyer (S 9) Diplomatics Annotated (brat) Anglo Saxon Charters (S 9) ASChart (S 9)
View Map
Charter:
In nomine saluatoris cuius pietate regimen assequti sumus quo etiam gubernante regnamus et omnia que habere cognoscimur ipso largiente habita possidemus Pro qua re ego Eadricus rex Cantuariorum a presenti die et tempore terram iuris mei quamuis pretium competens acciperim hoc est argenti libras decem in monasterio beati Petri apostolorum principis quod situm est iuxta ciuitatem Dorouernis una cum consensu meorum patriciorum inperpetuum donaui et dono Que supradicta terra coniuncta est terre quam sancte memorie Clotharius quondam rex beato Petro pro remedio anime sue donasse cognoscitur Que terra determinatur ex una parte habet uadum quod appellatur fordstreta publica indirectum et a parte alia flumen quod nominatur Stur Omnes terras sationales cum pratis campis siluis fontanis uel mariscum quod appellatur Stodmersch cum omnibus ad supradictam terram aratrorum trium pertinentia beato Petro eiusque familie in qua nunc preesse Adrianus abbas dinoscitur tradidi possidendam et quicquid exinde facere uoluerint utpote Domini liberam habeant potestatem Sicut donatum est manere decerno numquam me heredesque meos uel successores contra hanc donationis mee cartulam ullo tempore esse uenturos Quod si aliquis presumpserit sit separatus a participatione corporis et sanguinis Domini nostri Iesu Christi manente hac cartula nichilominus in sua firmitate De quibus omnibus supradictis ac a me definitis ut ne aliqua inposterum sit aduersitas propria manu signum sancte crucis expressi et sanctissimum atque reuerentissimum Theodorum archiepiscopum nostrum ut subscriberet rogaui et alios testes similiter Actum in mense Iunio indictione xiiii + Ego Ædricus rex in hanc donationis mee cartulam signum sancte crucis expressi + Ego Theodorus archiepiscopus gratia Dei subscripsi
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
