utl logo
UTL Home | Ethiopia Images | Central and Inner Asia Studies

Charter Document - 03570014

Charter Number: 03570014
Cartulary Title: Charters of St. Albans
Charter Language: Latin/English
Charter Origin: Religious
Charter Type(s): Will
Date: 1050 Circa
Date Type: Assigned
Resource Link(s): eSawyer (S 1517) Anglo Saxon Charters (S 1517)
map View Map
Charter:
In nomine Domini nostri Jesu Christi Her sutelath hu Eadwine æt Cadandune his cwyde gedyhte Þæt is ærest for his saule Gode þæt land æt Watforda into sancte Albane et seððan his hlaforde him to heregeaton iiii hors ii gesadelode et ii ungesadelode et ii sweord Seðþan þæt land æt Sunnandune et æt Streatlea et æt Caddandune Leofwine mine sunu et eac þæt land æt Hærlea et æt Pirian et þæt land æt Puttanho et æt Beoranlea eac Leofwine minon suna et minan wife þæt land æt Westtune et æt Cnybbanwyrðe et þæne bryce ealra þæra landa him bam gemæne þa hwile ðe heo on wudewanhade riste et seððan hio wer nime fo Æþelwine to þam cilde et to ealre þære are þe ic him becweden hæbbe oð ðæt hit sylf gemagod sy Þænne gyf þam cilde hwæt getimige tosale butan eall tale þænne fo Æðelwine to þam lande æt Hærlea et to Puttanho et ga þæt land æt Pirian into Abbandune þær ic hit ær ut bohte et fo Æþelric mines broþor sunu to Caddandune et Eadric his broþor to Sunnandune et Ælfric minre swysten sunu to Strætlea et æft hyra dagon gan þa land innon mine cynn æfre on þa sperhand et ga þes land æt Beranlea eac ofer þæs cildes dæge into sancte Albane et ic wille þæt man ceose of ealræ minre are be ðam bestan xx oxena et cuna in mid minon lice þær ic restan wille þæt is æt sancte Albane et þæt land þe Leofric se calewa on sitt et Cynsige se sceorta beo þæt into minre cyrcan to Sunnandune a to freolse
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter