utl logo
UTL Home | Ethiopia Images | Central and Inner Asia Studies

Charter Document - 03580018

Charter Number: 03580018
Cartulary Title: Charters of the New Minster, Winchester
Charter Language: English
Charter Origin: Religious
Charter Type(s): Will
Date: 0951 - 0958
Date Type: Assigned
Resource Link(s): Anglo Saxon Charters (S 1491) British Library - Add MS 82931 (19v) eSawyer (S 1491)
map View Map
Charter:
Þis is Ælfsiges biscopes cwide Þæt is þonne ærest þæt ic wille þæt man gefreoge ælcne witeþeowne mannan þe on þæm biscoprice sie for hine et for his cynehlaford et ic gean minum cynehlaford mine heregeatwa et þæs landes æt Tantune þe he me ær to let et ic gean þæs landes æt Crundelan ofer mine dæg Ælfheage et ofer his dæg gange hit into ealden mynstere et ic gean minum mægcnafan þæs landes æt Anne his dæg et ofer his dæg into niwan mynstere et þæs landes æt þan twam Worþigum minre magan þa hwile þe hyre lif biþ et siþþan minre swister et minum magcnafan ægþer ge þara landa ge þæs æt Cleran et þa oþerra ealra þe mine fæder ahte et þæs landes æt Tioceburnan Wlfrice Cufing his dæg et ofer his dæg into ealdun mynstre et þæs landes æt Runcwuda swa hit ær gecweden wæs to ealdun mynstere et Ælfwige þæs landes æt Ciltrigtune ofer þære wuduwan dæg et Wlfrice æt Wicham þæs æt Lætanlia Þonne bidde ic minnan leofan freond Ælfheah þæt þu bewite ægþer ge þa land ge þa þe mine magas sien et þæt þu ne geþafige þæt man þis on ænig oþer wænde Gif hit þonne hwa do God hine fordo ge mid sawle ge mid lichoman ge her ge on þam toweardan butan ic hit self on oþer wænde
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter