utl logo
UTL Home | Ethiopia Images | Central and Inner Asia Studies

Charter Document - 03580025

Charter Number: 03580025
Cartulary Title: Charters of the New Minster, Winchester
Charter Language: English
Charter Origin: Religious
Charter Type(s): Will
Date: 0977 - 0982
Date Type: Assigned
Resource Link(s): Anglo Saxon Charters (S 1498) British Library - Add MS 82931 (35v) eSawyer (S 1498)
map View Map
Charter:
+ Æðelmær ealdorman cyð on ðysum gewrite his cynehlaforde et eallum his freondum his cwyde wæs to his nyhstan dæge þæt is þonne þæt ic gean Gode ærest for mine sawle to Wintanceastre into niwan mynstre þære ic me restan wille an hund mancesa goldes et tyn pund peneta et min scrin et xiii hida landes ðæs þe Lufa ahte mid mete et mid mannum ealswa hit stent et ic æt minum hlaforde gebohte ða hit to his handa forwyrht mid hundtwelftigum mancesum goldes æt Cyrthugtune on Aþelwoldes bysceopes gewitnesse et ealra minra geferena et ic gean þæs landes æt Tudanwyrðe minum wife hire dæg et æfter dæge gange mid hire lice þær ic reste for uncre begra sawle et ic gean into ealdan mynstre into sancte Trinitate an hund mancesa goldes et tyn pund penaga et ii pund into nunnena mynstra et ii pund into mæssepreosta gylde et i pund into diacona gylde et into Cristes cyrican on Cantuwarabyrig iii pund et ii pund into sancte Agustyne et ii pund into Hrofeceastere et ii pund into Abbandune et ii pund into Rumesige et ii pund into Wiltune et ii pund into Sceaftesbyrig et vi pund into Glæstyngabyrig et ii pund into Mealdelmesbyrig et i pund into Baðan et i pund into Cracgelade et i pund into Burnan et minum hiredcnihtum v pund to gedale et ic becweðe minum cynehlaforde to heregeatuwum iiii beagas on ðrym hund mancesum goldes et iiii sweord et viii hors feower gerædode et iiii ungerædode et iiii helmas et iiii byrnan et viii speru et viii scyldas et ic an minan yldran suna ðæs landes æt Igeneshamme et þam gingran þæs æt Cottesmore et þæs ðe ðær et ic an minum bearnum to gedale þreo hund mancesa goldes et ic gean syððan minum wife ealles ðæs ðe ic gean ge on lande ge on æhtum to þam forewordun þe wit mid wedde unc betweonan gefæstnodon
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter