Charter Document - 03590357
Charter Number: 03590357
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1250 - 1260
Date Type: Assigned
View Map
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1250 - 1260
Date Type: Assigned
View Map
Charter:
Sciant presentes et futuri quod ego Willelmus filius Henrici de Abbetrop dedi concessi et hac presenti carta mea confirmaui deo et beate Marie de Luffeld et monachis ibidem deo seruientibus redditum sex denariorum annuatim ad festum Omnium Sanctorum percipiendum de vna virgata terre in villa de Heyford prouenientem scilicet de illa virgata terre quam Iohannes de la hecke tenuit de me in dicta villa de Heyford vna cum humagijs wardis et releuijs escaetis et omnibus alijs que vllo modo vel vllo iure vel aliquo casu contingente michi vel heredibus meis vel alicui altero ex parte mea accidere possint Tenendum et habendum dictum redditum de me et heredibus meis vel de quibuscumque quocumque modo meis assignatis sibi et successoribus suis in liberam puram et perpetuam elemosinam adeo libere et pure sicuti aliqua elemosina melius liberius vel purius poterit dari vel teneri Et ego vero dictus Willelmus et heredes mei vel mei assignati vel quicumque terram meam vel aliquam partem terre mee inposterum possidebit predictum redditum annuatim percipiendum prout dictum est dictis monachis et eorum successoribus contra omnes homines et feminas vtriusque legis warantizabimus defendemus et acquietabimus et in omnibus indempnes conseruabimus Et ut hec mea donacio concessio et carte mee confirmacio rata et stabilis imperpetuum permaneant huic presenti scripto sigillum meum apposui in testimonium Hijs testibus Willelmo Golafre Hugone de Hayford Willelmo de Brantesdon Iohanne fratre eius Ricardo clerico de Selueston Roberto de Lestre Iohanne de la hecke de Abtrop Willelmo Cardun et alijs
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
