Charter Document - 03590400
Charter Number: 03590400
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1238 - 1247
Date Type: Assigned
View Map
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Grant
Date: 1238 - 1247
Date Type: Assigned
View Map
Charter:
Uniuersis sancte matris ecclesie filijs ad quos presens scriptum peruenerit Radulphus Harang salutem in domino Nouerit vniuersitas uestra me caritatis intuitu et pro salute anime mee et pro animabus patris mei et matris mee et omnium antecessorum et successorum meorum dedisse et concessisse et hac presenti carta mea confirmasse deo et beate Marie de Luffelde et monachis ibidem deo seruientibus totum boscum cum terra et cum omnibus pertinencijs quod situm est inter uiam que vocatur le Keupad et boscum predictorum monachorum in latitudinem et inter trenchetam que extendit de riuulo de Holebech vsque ad crucem Pukerig ad sepem predictorum monachorum de la Wetteleia in longitudinem Tenendum et habendum de me et heredibus meis sibi et successoribus suis in omnibus libertatibus in liberam et puram et perpetuam elemosinam libere et quiete ab omnibus seruicijs secularibus et demandis michi vel heredibus meis pertinentibus vel que a nobis ullo modo vel ullo iure exigi possint Et ad sartandum et ad claudendum et ad fossandum et ad disponendum quomodo voluerint absque omni contradiccione et impedimento mei vel heredum meorum Ego vero dictus Radulphus Harang et heredes mei totum predictum boscum predictis monachis contra omnes gentes imperpetuum warantizabimus In huius autem donacionis et concessionis et confirmacionis testimonium presenti scripto sigillum meum apponere dignum duxi Hijs testibus Nicholao de Hauersham domino Roberto de Wayford domino Willelmo Baiuel Radulpho de Langeport Radulpho de sancto Germano Waltero le Marscal Roberto le venur Willelmo le frankelein Iordano ianitore et multis alijs