utl logo
UTL Home | Ethiopia Images | Central and Inner Asia Studies

Charter Document - 03590408

Charter Number: 03590408
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Grant
Date: 1280 - 1287
Date Type: Assigned

map View Map
Charter:
Vniuersis Christi fidelibus hoc presens scriptum visuris vel audituris frater A prior de Luffeld et eiusdem loci conuentus eternam in domino salutem Nouerit vniuersitas vestra nos unanimi assensu et consensu tocius capituli nostri dedisse concessisse et hoc presenti scripto nostro confirmasse Roberto ate Barre pro homagio et seruicio [suo] illud tenementum quod Robertus filius Roberti Warin de Br[ack de nobis] quondam tenuit in villa de Brack Tenendum et habendum dictum tenementum cum pertinenciis de nobis et successoribus nostris dicta Roberto et heredibus suis libere quiete bene et in pace Reddendo inde annuatim nobis et successoribus nostris inperpetuum ipse et heredes sui seu ipsius assignati quatuor solidos argenti bone monete ad tres anni terminos scilicet ad festum sancti Michaelis xvj denarios et ad festum purificacionis beate Marie xvj denarios et ad Pentecosten xvj denarios pro omnibus seruiciis secularibus nobis spectantibus saluo forinseco capitalis domini antedicti feodi Et si contingat dictum Robertum vel heredes suos seu assignatos in solucione dicti redditus terminis supradictis in toto vel in parte deficere nobis et successoribus nostris pro quolibet termino non obseruato persoluent xij denarios vna cum arreragijs sine omni contradictione alicuius vel impetracione facta vel facienda que contra nos vel successores nostros aliquo modo possit obici Nos vero dicti prior et conuentus dictum tenementum cum pertinenciis dicta Roberto et heredibus suis warantizabimus et inperpetuum contra omnes gentes pro vt antedictum est defendemus Vt autem hec nostra donatio concessio et presentis scripti nostri confirmacio inperpetuum perseuerent presenti scripto impensionem sigilli capituli nostri apposuimus in testimonium Hiis testibus Ricardo Mace Ricardo Swet Willelmo le Riche Nicholao Swet Iohanne Burre et aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter