utl logo
UTL Home | Ethiopia Images | Central and Inner Asia Studies

Charter Document - 03590596

Charter Number: 03590596
Cartulary Title: Luffield Priory Charters
Charter Language: Latin
Charter Origin: Lay
Charter Type(s): Quitclaim
Date: 1310
Date Type: Internal, Feast, Regnal, Lunar

map View Map
Charter:
Omnibus Christi fidelibus hoc presens scriptum visuris uel audituris Galfridus filius Willelmi dicti le masun de Norhampton salutem in domino sempiternam Nouerit vniuersitas vestra me concessisse remisisse et omnino quietum clamasse pro me et heredibus meis uel assignatis meis deo et ecclesie beate Marie de Luffeld et monachis ibidem deo seruientibus totum ius et clamium quod habui uel habere potui in vno mesuagio cum pertinencijs suis in villa de Thorneberg quod quidem mesuagium Eustachia amita mea vxor quondam Roberti Vicarij de Thorneberg habuit iure hereditario post decessum Marie matris dicte Eustachie Habendum et tenendum predictum mesuagium cum suis pertinenciis predictis monachis et eorum succesoribus in liberam puram et perpetuam elemosinam libere quiete integre bene et in pace Ita quod ego Galfridus nec heredes mei seu assignati mei uel aliquis alius nomine nostro aliquid iuris seu clamei in dicto mesuagio cum suis pertinenciis decetero exigere seu vendicare possimus set ab omni accione et demanda exclusi simus inperpetuum per presentes In cuius rei testimonium huic presenti scripto quiete clamancie sigillum meum duxi apponendum Hiis testibus Henrico de Heliden in Thorneberg Willelmo Michel de eadem Willelmo de Burton de eadem Hugone de Kyngesbrug in Thorneberg Nicholao Aspilun de eadem et alijs Dat apud Thorneberg die lune proxima ante festum appostolorum Simonis et Jude Anno regni regis Edwardi filij regis Edwardi quarto
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter