Charter Document - 03590726

Sciant presentes et futuri quod ego Willelmus de Bechampton miles concessi et hac presenti carta mea confirmaui deo et beate Marie de Luffeld et monachis ibidem deo seruientibus vnum mesuagium cum crofto et pertinenciis et cum vna dimidia virgata terre cum prato et omnibus aliis pertinenciis suis in villa et extra de Bechampton illam scilicet quam Henricus dictus Kineman de Selueston quondam tenuit de me in eadem villa de Bechampton Tenendum et habendum dictum mesuagium cum crofto et cum terra cum prato et aliis pertinenciis de me et heredibus meis dictis monachis et eorum successoribus inperpetuum libere quiete bene et in pace in liberam et perpetuam elemosinam Reddendo inde annuatim michi et heredibus meis dicti monachi duos solidos ad duos anni terminos videlicet ad festum sancti Michaelis duodecim denarios et ad festum beate Marie in Marcio duodecim denarios et domino regi forinsecum seruicium quantum tante terre pertinet pro omnibus seruiciis consuetudinibus exactionibus et demandis omnimodis quibuscumque curiarum sectis que ullo modo uel ullo iure uel aliquo casu contingente nomine dicti mesuagii et terre predicte siue tenentis illius terre exigi potuerint Ego vero dictus Willelmus miles et heredes mei dictum mesuagium cum crofto et terra prenominata cum omnimodis pertinenciis suis dictis monachis sicut antedictum est contra omnes gentes warantizabimus acquietabimus et inperpetuum per predictum redditum defendemus Vt autem hec mea concessio et presentis carte mee confirmacio inperpetuum perseuerent huic presenti scripto inpressionem sigilli mei apposui in testimonium Hiis testibus domino Hugone de Chastilon Ricardo filio eius Roberto de Bray domino Hugone tunc rectore ecclesie de Thornton domino Henrico tunc rectore ecclesie medietatis de Bechampton magistro Iohanne de Bescemede magistro Henrico de Bechampton et aliis