Charter Document - 03591321

Hec indentura facta in festo sancti Michaelis archangeli anno regni regis Edwardi quarti xj inter Willelmum Rogers priorem monasterij beate Marie de Luffelde et eiusdem loci conuentum ex vna parte et Robertum Collis vicarium de Northdodford ex altera parte testatur quod predicti prior et conuentus tradiderunt dimiserunt predicto Roberto vnum cotagium cum gardino et j clausura adiacente predicto cotagio que quondam fuerunt in tenura Ricardi Master ac nuper in tenura Iohannis Shawle iunioris ad terminum vite Reddendo inde annuatim dictis priori et conuentui et eorum successoribus v solidos ad duos anni terminos per equales porciones videlicet ad festum annunciacionis beate Marie ij solidos vj denarios et ad festum sancti Michaelis ij solidos vj denarios Et si dictus redditus v solidorum fuerit in parte vel in toto post aliquod festum prenominatum non solutum tunc bene licebit prefatis priori et conuentui et eorum successoribus in predicto cotagio et gardino cum clausura distringere et districciones sic captas effugare et penes eis retinere quousque de predicto redditu cum arreragijs et expensis fuerit satisfactum et persolutum Et vlterius dictus Robertus dictum cotagium cum gardino et clausura bene reparabit sumptibus suis proprijs et expensis ac manu sua propria tenebit in omnibus et in fine terminorum predictorum dictum cotagium cum gardino et clausura bene reparabit et sic dimittet ac eciam sine licencia dictorum prioris et conuentus non licebit dicto Roberto alicui dimittere dictum cotagium cum gardino et clausura In cuius rei testimonium dictus Robertus sigillum suum presentibus est appensus Dat apud Luffelde die et anno supradictis