Charter Document - 03591354
Charter Number: 03591354
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Lease
Date: 1403
Date Type: Internal, Feast, Regnal, Lunar
View Map
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Lease
Date: 1403
Date Type: Internal, Feast, Regnal, Lunar
View Map
Charter:
Hec indentura testatur quod nos prior de Luffeld et eiusdem loci conuentus tradidimus concessimus et ad firmam dimisimus Thome Wayte de Blacoluesley juniori et cuidem femine quam primo duxerit in vxorem et primogenito filio eorum omnia illa terras et tenementa cum suis pertinenciis que Thomas Smyth nuper de nobis tenuit in eadem villa tenenda ad terminum vite eorum et cuiuslibet eorum diucius viuerit Reddendo inde per annum nobis et successoribus nostris nouem solidos ad terminos Michaelis et pasche equis porcionibus pro omnibus alijs seruicijs et demandis saluo domini regis forinseco et saluo quod ultimus dictorum tenencium a dictis tenementis discedens seu recedens dabit nobis vel successoribus nostris heriottum Et predicti Thomas vxor et filius predicta tenementa cum suis pertinenciis manutenebunt et sustentabunt durante toto termino suo sumptibus suis proprijs et ea in fine termini sui in bono statu et competenti dimittent Percipiendo inde housbote per visum nostrum seu successorum nostrorum absque vasto inde faciendo Et predicti Thomas vxor et filius non dimittent nec vnus eorum dimittet statum suum supradictum in tenementis predictis alicui alteri absque licencia nostra seu successorum nostrorum Et si predictus redditus aretro sit post aliquem terminum supradictum per quindecim dies extunc bene liceat nobis et successoribus nostris in dictis tenementis cum suis pertinenciis distringere et districcionem retinere quousque nobis tam de dicto redditu quam de arreragiis siqua sint plenarie fuerit satisfactum Et si per dimidium annum aretro fuerit vel si vastum fecerint et infra tempus competens super racionabili premunicione nostra vel successorum nostrorum illud non emendauerint aut si statum suum supradictum alicui alteri absque licencia nostra vel successorum nostrorum dimiserint tunc bene liceat nobis et successoribus nostris in dicta tenementa intrare et ea tenere omnia in pristino statu nostro Et nos prefatus prior et conuentus et successores nostri predictas terras et tenementa cum suis pertinenciis prefatis Thome vxori eius et filio eorundem ad terminum vite cuiuslibet eorum contra omnes gentes warauntizabimus In cuius rei testimonium nos dicti prior et conuentus pro parte vna et predictus Thomas pro parte altera hijs indenturis sigilla nostra alternatim apposuimus Dat apud Blacoluesley die lune in festo Sancti Barnabe apostoli regno regis Henrici quarti quarto
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
