Charter Document - 03591407

Omnibus Christi fidelibus hoc presens scriptum visuris vel audituris frater Adam prior de Luffeld et eiusdem loci conuentus salutem in domino sempiternam Nouerit vniuersitas uestra nos vendidisse et unanimiter concessisse Alexandro le Riche de Brakel totam lanam nostram de propriis bidentibus nostris sine codo et garth et uila uellere eidem Alexandro vel suo certo atornato per nos vel per nostrum certum atornatum ad horam tonsionis bidentium anno domini mcclxxii sine vlteriori dilacione soluendam precium facti ultimi in toto vndecim marcas et dimidiam marcam Et si contingat nos in vendicione predicte lane et concessione ad predictum terminum in toto vel in parte quod absit deficere obligamus et subicimus nos iurisdiccioni et cohercioni domini archidiaconi Norhamton vel de Bokingam quemcunque illorum dictus Alexander eligere voluerit ad compellendum nos de die in diem per sensuram ecclesiasticam quousque memorato Alexandro vel suo certo atornato plenarie satisfecerimus tam de dampnis et expensis sique uel quas sustinuerit circa predicta impetranda impositis quam de predicta lana ad predictum terminum non bene soluta In cuius rei testimonium huic presenti scripto commune sigillum nostrum fecimus apponi Hiis testibus domino vicario Roberto de Brackel Radulfo de Witefeld domino Gerardo vicario de Evinle Teodbaldo de Evinle Willelmo clerico et multis aliis Dat apud Luffeld die sancti Petri ad vincula anno domini mcclxx primo