Charter Document - 03595321
Charter Number: 03595321
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Agreement
Date: 1305
Date Type: Internal, Feast, A.D.
View Map
Cartulary Title: Luffield Priory Charters
Charter Language: Latin
Charter Origin: Religious
Charter Type(s): Agreement
Date: 1305
Date Type: Internal, Feast, A.D.
View Map
Charter:
Hec est conuencio facta inter Willelmum priorem de Luffeld et eiusdem loci conuentum ex parte vna et Thomam de Blaston ex altera videlicet quod predictus Thomas concessit et dedit et dimisit eisdem priori et conuentui centum et quinquaginta quarteria frumenti boni puri et mundi per minorem centenarium sexaginta et quatuordecim quarteria brasei ordeicij et sexaginta quarteria auene soluendo eidem Thome in manerio suo de Parco die mercurij proxima ante festum beati Petri aduincula proximo futuro uel argentum pro eodem blado prout melius quarterium frumenti melius quarterium brasei ordeicij melius quarterium auene die predicto in foro de Brackele vendi contigerit Pro hac autem tradicione concessione et dimissione concesserunt et dimiserunt predicti prior et conuentus vnanimo consensu et assensu predicto Thome et heredibus executoribus siue eius assignatis ecclesiam suam de Dodeford per extentam viginti quinque marcarum per annum Habend et tenend cum omnibus suis pertinencijs eidem Thome heredibus executoribus siue assignatis suis quousque predictam pecuniam plene et tempore pacifico leuauerit per extentam prenotatam Et ijdem prior et conuentus omnia onera ordinaria de predicta ecclesia medio tempore emergencia penitus aquietabunt per presentes quod si non fecerint predicti Thomas heredes executores sui siue assignati ecclesiam predictam cum suis pertinencijs pacifice tenebunt et habebunt quousque eadem onera plenarie leuauerint sine contradiccione uel impedimento predictorum prioris et conuentus iuxta extentam prenotatam Et si predicti prior et conuentus predictam pecuniam predicto Thome heredibus executoribus siue assignatis citra festum assumcionis beate Marie proxime futurum soluerint predicta ecclesia cum eius pertinencijs eisdem priori et conuentui quieta redibit et soluta In cuius rei testimonium predicti prior et conuentus et Thomas presenti scripto in modum cyrograffi confecto sigilla sua alternatim apposuerunt Dat apud Luffeld die dominica proxima ante diem cinerum anno domini millesimo tricentesimo quarto
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
