Charter Document - 03630398
Charter Number: 03630398
Cartulary Title: The Register of St. Augustines Abbey Canterbury
Charter Language: Latin
Charter Origin: Religious
Charter Type(s): Grant
Date: 1246
Date Type: Internal, A.D., Feast
View Map
Cartulary Title: The Register of St. Augustines Abbey Canterbury
Charter Language: Latin
Charter Origin: Religious
Charter Type(s): Grant
Date: 1246
Date Type: Internal, A.D., Feast
View Map
Charter:
Omnibus Cristi fidelibus presentes literas visuris vel audituris Simon de la Snade hostiarius domini abbatis sancti Augustini Cantuarie eternam in Domino salutem Nouerit vniuersitas vestra quod ego teneor soluere domino Roberto abbati sancti Augustini Cantuarie et eiusdem loci conuentui quatuordecim marcas sterlingorum infra septem annos scilicet quolibet anno duas marcas infra octauas Natiuitatis beati Iohannis Baptiste Concessi et eis solidatas meas duarum marcarum per quatuor annos ad exoneracionem debitorum suorum quas consueui percipere pro seruicio meo in aula si tanto tempore in seruicio illo stetero cum domino abbate ita videlicet quod non tenear per predictos quatuor annos inuenire seruientem in cellario sumptibus meis vel solidatis occasione ministerii mei quod dominus abbas michi dedit in cellario sed post dictos iiij annos faciam pro ministerio meo in cellario de seruiente et de aliis ad illud ministerium contingentibus secundum quod antecessores mei in eodem ministerio existentes facere consueuerunt Si vero contingat me a seruicio aule infra dictos quatuor annos amoueri ex tunc prouidebo de seruiente sumptibus meis in cellario nisi forte in propria persona ministrare voluero Incipiunt autem dicti septem anni et iiij anni a festo sancti Michaelis anno Domini mccxlvj In cuius rei testimonium presenti scripto sigillum meum apposui Valete in Domino Datum in vigilia sancti Iacobi apostoli anno supradicto