utl logo
UTL Home | Ethiopia Images | Central and Inner Asia Studies

Charter Document - 03692074

Charter Number: 03692074
Cartulary Title: Charters of Christ Church Canterbury
Charter Language: Latin
Charter Origin: Religious
Charter Type(s): Settlement
Date: 0844
Date Type: Internal, A.D.
Resource Link(s): Reference Document for this Embedded Document eSawyer (S 1439) Diplomatics Annotated (brat) Anglo Saxon Charters (S 1439)
map View Map
Charter:
Sed heu pro dolor ille antiquus venenatissimus serpens qui protuplaustu piacula indidit et humanum genus sibi per hæc subdidit ceu cælydra infesta et pestifera in quorundam pectore adhuc turgescit et ad excitandas seditiones discordiasque committendas post curricula quantorum annorum id est xxxiiii iterum ecclesiam Christi et hereditatem sanctorum ejus adgravere ac depravere impia nisu ac prava voluntate conatus est atque illam prædictum altercationis conflictum renovare et excitare post synodalia decreta ac probabilium patrum sanctiones studuit Quamobrem congregata multitudine spiritalium seculariu[m]que personum in Dorovernia Civitate anno dominicæ incarnationis dcccxliiii indictione [] Aethelwlfo Regi præsente atque Aethelstano filio ejus Ceolnotho quoque Archimetropolitano Archiepiscopo necnon Tatnoth presbitero electo ad Episcopalem sedem Dorobrevi id est civitatis Hrofi cum Principibus Ducibus Abbatibus et cunctis generalis dignitatis optimatibus inter quam etiam ille venenatissimus anguis cognomento Aethelwulf ad turbandum et inquietandum ecclesiam Dei deveniens sicut sepe progenies et parentes ejus fecerunt prolatis falsis machinamentis e latebris cordis suæ dicens hereditatem Oswlfi Ducis cum auro et argento patris sui Aethelheah esse comparatum et per hoc spoliare ecclesiam Dei et sanctos c[]nubias ad quas hereditas illa pertinebat cum pravis sequacibus nisus est Tunc ille Archiepiscopus Ceolnoth et familia ejus id est ecclesiæ Christi illa per ordinem replicavit qualiter in illo sancto synodo de illo reconciliatum et dejudicatum est At ille nolens adquiescere neque judicio synodis et probabilium patrum sanctionibus neque adsertione et veredica voce Episcopi vel alicujus personis tunc etenim a sapientibus et prudentibus trutinatum ac dijudicatum est familiam ecclesiæ Christi et familiam æt Folcanstane familiam quoque at Dobrum necnon et familiam æt Liminge ad quos hereditas illa pertinebat justo juramenta hereditatem illam sibi ipsis contra hereditatem Aethelheahes castigare nam et ita fecerunt Juraverunt xxx homines de familiis prædictis xii presbeteri ceteri communi gradus et sic etiam illa altercatio utrarumque partium perenniter sedari decretum est et illa altercatio nunquam amplius per aliquam inquietudinis discordiam post diem illum excitando moveatur et firmiter decreverunt ut sub anathematis vinculo esset nodatus qui hanc reconciliationem in aliquo irritum faceret sicut et ille excommunicatus constat a consortio sanctorum omnium et a communione synodalis concilii et familiis nostris ecclesiæque Dei alienus existat qui hoc Kanonica Statuta et synodalia præcepta infringere studuit nisi digne Deo et hominibus præsumptionis suæ conamen emendare voluerit et hoc signo sanctæ crucis Christi roborando omnes pariter conscripserunt + Ego Aethelwlf Deo dispensante Rex Occidentalium Anglorum hanc prædictam reconciliationem familiæ Christi et hereditatis Ethelheahes et omnem altercationis conflictum qui inter se concitatum habuerunt sedatum esse demonstrans et hoc cum sapientibus meis signo sanctæ crucis Christi perenni titulo roborabo et subscribo quorum subter in scedula liquescunt vocabula + Ego Aethelwlf Dux consensi et subscripsi + Ego Cynewlf consensi et subscripsi + Ego Lulling consensi et subscripsi + Ego Aethelheah consensi et subscripsi + Ego Aethelheah consensi et subscripsi + Ego Gisshard consensi et subscripsi + Ego Coelnoth gratia Dei Metropolitanus Archiepiscopus cum presbyteris et familia sua hoc id est signo sanctæ crucis Christo roboranda subscripsi + Ego Alchhere Dux consensi et subscripsi + Ego Aethelwlf Dux consensi et subscripsi + Ego Freothoric Abbas consensi et subscripsi + Ego Aethelmond consensi et subscripsi + Ego Aethelred consensi et subscripsi + Ego Freothoric consensi et subscripsi + Ego Denemod consensi et subscripsi + Ego Beornfreth consensi et subscripsi + Ego Osfere consensi
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter